អាហ្វ្រិក​ខាងត្បូង៖ សមាជិក​អ្នកតស៊ូ​ដើម្បី​សេរីភាព​សេដ្ឋកិច្ច បាន​ដើរ​តវ៉ា​ទៅកាន់​ការិយា​ល័យ​​ជាច្រើន​កន្លែង​របស់​អាជ្ញាធរ​និយតករ​ផលិតផលសុខភាព ​ប្រទេស​អាហ្វ្រិក​ខាងត្បូង​ក្នុង​រដ្ឋធានី​ព្រី​តូ​រៀ ទាមទារ​ឲ្យ​ស្ថាប័ន​នេះ​ព​ន្លឿ​ន​ការ​អនុម័ត​វ៉ាក់សាំង Sputnik V របស់​ប្រទេស​រុស្សី និង​វ៉ាក់សាំង Sinovac របស់​ប្រទេស​ចិន​។​

លោក Vuyani Pambo អ្នកនាំពាក្យ​ក្រុម​អ្នកតស៊ូ​ដើម្បី​សេរីភាព​សេដ្ឋកិច្ច​និយាយ​ថា ពួក​យើង​ស្លាប់​ក្នុង​ចំនួន​ច្រើន យើង​ពិតជា​ពិបាក​ក្នុង​ការ​មើលឃើញ មនុស្ស​ជាទី​ស្រលាញ់​របស់​យើង​ស្លាប់​ដូចជា​សត្វ​រុយ​។ យើង​នឹង​ក្រោក​ឈរ​ឡើង​ហើយ​ទាម​ទារក​វ៉ាក់សាំង ហើយ​យើង​កំពុង​ទាមទារ​វ៉ាក់សាំង​ Sputnik V ដែល​យើង​ដឹង​ថា​ ជា​ប្រភេទ​វ៉ាក់សាំង​ល្អ​មាន​ប្រសិទ្ធភាព​ ៩៧​% ហើយ​យើង​ក៏​ចង់បាន​វ៉ាក់សាំង Sinovac។ អត្រា​ចាក់​វ៉ាក់សាំង​យឺត​របស់​ប្រទេស​អាហ្វ្រិក​ខាងត្បូង ​ត្រូវ​បាន​ដាក់​កំហុស​ចំពោះ​ការ​កើន​ឡើង​វីរុស​ថ្មី​។ ប្រទេស​នេះ​មាន​កង្វះខាត​វ៉ាក់សាំង ក្នុងចំណោម​ប្រទេស​ដទៃ​ទៀត​ដែល​ពន្យារ​ពេល​។

​លោក Julius Malema ប្រធាន​អ្នកតស៊ូ​ដើម្បី​សេរីភាព​សេដ្ឋកិច្ច​និយាយ​ថា យើង​ចង់​មាន​ការ​បិទ​ប្រទេស​ដែល​អាច​និយាយ​ថា​ យើង​នឹង​បិទ​រយៈពេល ​៧​ថ្ងៃ​ដើម្បី​រៀបចំ​ស្ថានីយ​ចាក់​វ៉ាក់សាំង​។ នៅ​សប្តាហ៍​នេះ​វ៉ាក់សាំង Johnson & Johnson ចំនួន​ ៣០ម៉ឺន​ដូ​សត្រូវ​បាន​លៃលក​ដើម្បី​ចាក់​វ៉ាក់សាំង​ដល់​គ្រូបង្រៀន និង​បុគ្គលិក​ដទៃ​ទៀត​ក្នុង​វិស័យ​អប់រំរបស់​ប្រទេស​អាហ្វ្រិក​ខាងត្បូង​៕​

អត្ថបទ៖ ប៊ុនថន