ភ្នំពេញ៖ សមត្ថកិច្ចការិយាល័យចរាចរណ៍ជើងគោករាជធានីភ្នំពេញ នារសៀលថ្ងៃទី២២ ខែមករា ឆ្នាំ២០២៤នេះ បានធ្វើការបញ្ចូនខ្លួន បុរសជាអ្នកបើករថយន្ត Ford Ranger បង្កគ្រោះថ្នាក់ចរាចរណ៍ រហូតស្លាប់មនុស្ស ០៤នាក់ និង​របួស ០៤នាក់ ទៅសាលាដំបូងរាជធានីភ្នំពេញ ដើម្បីបន្តនីតិវិធីច្បាប់។ ជនបង្ករូបនេះ បានបើកបរក្នុងស្ថានភាពស្រវឹង ដោយមានជាតិអាត្រាជាតិអាកុល ០.៥៤ មី លី ក្រាម ក្នុងមួយលីត្រខ្ល់ ។ គួរំលឹកថា ករណីគ្រោះថ្នាក់ចរារណ៍ដ៏សន្ធត់នេះ បានកើតឡើងកាលពី១៨ និង៤៥នាទីយប់ថ្ងៃទី២០ ខែមករា ឆ្នាំ២០២៤ នៅចំណុចក្រោមស្ពានអាកាសឬស្សីកែវ តាមបណ្តោយផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ ករណីនេះ ជនបង្កបានបើករថយន្តចុះពីស្ពានបេតុងខ្សែកាបឬស្សីកែវ ឆ្ពោះសំដៅឡើងទៅផ្លូវជាតិលេខ០៥ លុះដល់ចំណុចស្តុប រថយន្តមិនបានបង្អង់ល្បឿន ក៏បានជ្រុលបុករះរថយន្ត និងម៉ូតូជាច្រើនគ្រឿង ដែលកំពុងឈប់ស្តុប បណ្តាលឱ្យមានមនុស្សរងរបួស និងស្លាប់ជាច្រើននាក់ នៅលើដងផ្លូវតែម្តងទៅ ។ ហើយរថយន្ត និងម៉ូតូជាច្រើនគ្រឿងក៏ទទួលរងការខូចខាតផងដែរ៕ អត្ថបទ៖ លីហេង