យន្ដហោះបូអ៊ីង (Boeing) មានបញ្ហាកាន់តែច្រើនឡើង បន្ទាប់ពីក្រុមអ្នកឃ្លាំមើល បានព្រមានក្រុមហ៊ុនអាកាសចរនានា កាលពីថ្ងៃអាទិត្យ ឲ្យធ្វើការត្រួតពិនិត្យសម្រាប់ផ្នែកដែលមិនជាប់មាំឬមានសភាពធូររលុងនៅលើគំរូយន្ដហោះមួយផ្សេងទៀត។

ការផ្ដល់អនុសាសន៍នេះ បានធ្វើឡើង បន្ទាប់ពីប្រតិបត្ដិករមួយចំនួនរបស់យន្ដហោះប្រភេទ737-900ER បានរាយការពីបញ្ហាទាំងឡាយដែលទាក់ទងនឹងប៊ូឡុង នៅក្នុងអំឡុងពេលត្រួតពិនិត្យ។

បញ្ហានេះ បាននាំឲ្យអាជ្ញាធរអាកាសចរណ៍សហព័ន្ធ ត្រូវផ្អាកយន្ដហោះប្រភេទ 171 MAX 9 ដើម្បី ត្រួតពិនិត្យសុវត្ថិភាព។

ទាក់ទងនឹងការប្រុងប្រយ័ត្នពីយន្ដហោះប្រភេទ 737-900ERនោះ អាជ្ញាធរអាកាសចរណ៍សហព័ន្ធឬ(FAA) បាននិយាយថា យន្ដហោះដឹកអ្នកដំណើរមួយចំនួន គេបានកត់សម្គាល់ពីការរកឃើញបញ្ហាប៊ូឡុង នៅក្នុងអំឡុងពេលត្រួតពិនិត្យថែរក្សាបន្ថែម។

គេបានផ្ដល់អនុសាសន៍ដល់យន្ដហោះដឹកអ្នកដំណើរដែលកំពុងធ្វើប្រតិបត្ដិការថា ការត្រួតពិនិត្យយន្តហោះរបស់ពួកគេ ពិសេស ប៊ូឡុង៤ ដែលប្រើដើម្បីធានាដល់គ្រោងទ្វារយន្ដហោះឲ្យបានឆាប់តាមតែអាចធ្វើទៅបាន។

ទោះបីជាយ៉ាងណាក៏ដោយ គេបានបន្ថែមថា បន្ទះទ្វារនោះ មិនមានបញ្ហាជាមួយគំរូយន្ដហោះនេះទេ។

អ្នកនាំពាក្យក្រុមហ៊ុនផលិតយន្ដហោះBoeing បាននិយាយនៅក្នុងសារអេឡិចត្រូនិកថា ក្រុមហ៊ុនគាំទ្រទាំងស្រុងដល់អាជ្ញាធរអាកាសចរសហព័ន្ធFAA ហើយនិងអតិថិជនរបស់យើងក្នុងសកម្មនេះ។

សម្រាប់យន្ដហោះប្រភេទMAX 9 អាជ្ញាធរអាកាសចរណ៍សហព័ន្ធ បាននិយាយ កាលពីថ្ងៃអាទិត្យថា យន្ដហោះទាំងនេះ នឹងនៅតែផ្អាករហូតដល់មានការសម្រចថាមានសុវត្ថិភាព អាចវឹលទៅរកការធ្វើសេវាកម្មឡើងវិញបាន៕