នៅថ្ងៃចន្ទនេះ រដ្ឋមន្រ្តីការបរទេសសហរដ្ឋអាមេរិកលោក Antony Blinken បានធ្វើដំណើរទៅដល់ប្រទេសកាប់ វែរ ជាការចាប់ផ្តើមដំណើរទស្សនកិច្ចរយៈពេល ៦ថ្ងៃរបស់លោកនៅអាហ្វ្រិកខាងលិច ជាទីដែលលោកនឹងពិភាក្សាលើបញ្ហាប្រឈមផ្នែកសន្តិសុខក្នុងតំបន់ជាមួយក្រុមមេដឹកនាំអាហ្វ្រិក ។

ក្រសួងការបរទេសសហរដ្ឋអាមេរិក និយាយនៅក្នុងសេចក្តីថ្លែងការណ៍ថា លោក Blinken ធ្វើដំណើរទៅកាន់ប្រទេសកាប់ វែរ កូឌីវ័រ នីហ្សេរីយ៉ា និងអង់ហ្គោឡា ចាប់ពីថ្ងៃទី ២១ ខែមករា រហូតដល់ថ្ងៃទី ២៦ ខែមករា ជាទីដែលលោកនឹងពិភាក្សាភាពជាដៃគូសហរដ្ឋអាមេរិក-អាហ្វ្រិក លើបញ្ហាពាណិជ្ជកម្ម អាកាសធាតុ ហេដ្ឋារចនាសម្ព័ន្ធ សុខភាព និងបញ្ហាផ្សេងៗជាច្រើនទៀត ។

លោក Molly Phee គឺជាឧបការីការបរទេសទទួលបន្ទុកកិច្ចការអាហ្រ្វិក និយាយប្រាប់ក្រុមអ្នកសារព័ត៌មានថា សហរដ្ឋអាមេរិក មានប្រវត្តិដែលគេស្គាល់ ហើយសង្ឃឹមថា របបយោធានៅប្រទេសនីហ្សេ នឹងជ្រើសរើសទីក្រុងវ៉ាស៊ីងតោន ជាជាងភាពជាដៃគូជាមួយរុស្ស៊ី ។

ក្រសួងការពារជាតិរុស្ស៊ី បាននិយាយកាលពីថ្ងៃអង្គារសប្តាហ៍មុនថា រុស្ស៊ី និងនីហ្សេ ដែលស្ថិតក្រោមការគ្រប់គ្រងរបស់យោធា ចាប់តាំងពីរដ្ឋប្រហារកាលពីឆ្នាំមុន បានឯកភាពអភិវឌ្ឍកិច្ចសហប្រតិបត្តិការយោធា៕