ក្រុមមន្រ្ដីក្នុងស្រុក បាននិយាយថា នៅថ្ងៃអង្គារនេះ រុស្ស៊ីបានបើកការវាយប្រហារតាមអាកាសដ៏ធំមួយលើអ៊ុយក្រែន ដោយបានសម្លាប់មនុស្សយ៉ាងហោចណាស់៤នាក់និងជាង៦០នាក់ទៀត បានរងរបួស។

ការវាយប្រហារដោយមីស៊ីលនៅព្រឹកនេះ ភាគច្រើនបានដាក់គោលដៅទៅលើក្រុងធំៗទាំងពីររបស់ប្រទេស គឺ រដ្ឋធានីគីវ និងក្រុងខាគីវស្ថិត នៅភាគខាងកើត។

អភិបាលក្រុងគីវ លោក វីតាលី គ្លីតស្កូ (Vitalii Klitschko) បាននិយាយថា មនុស្ស២០នាក់ ក្នុងនោះ មានក្មេង៣នាក់បានរងរបួសនៅទូទាំងសង្កាត់ទាំង៣ និងបានបញ្ជាក់ថា អគារផ្ទះល្វែងជាច្រើន និងអគារដែលមិនមានអ្នកស្រុករស់នៅ ត្រូវភ្លើងឆេះ។

រដ្ឋបាលយោធភូមិភាគក្រុង បាននិយាយថា ក្រុមវេជ្ជបណ្ឌិត នៅតែកំពុងប្រយុទ្ធដើម្បីជីវិតជនរងគ្រោះ

នៅឡើយ។

អ្នកសារព័ត៌មានរ៉យទ័រ បានឃើញបំណែកមីស៊ីលដែលនៅសល់ ត្រូវភ្លើងឆេះខ្លោច នៅក្នុងសង្កាត់អ្នកស្រុកមួយនៅភាគខាងលិចក្រុងគីវ ហើយសមត្ថកិច្ចបានសុំឲ្យអ្នកស្រុកជម្លៀសខ្លួនចេញពីអគាររបស់ពួកគេដែលបានខូចខាតអស់មួយផ្នែកនោះ។

កងទ័ពអ៊ុយក្រែនបាននិយាយថា កងយោធាបានបំផ្លាញកាំជ្រួច២១គ្រាប់ក្នុងចំណោមមីស៊ីល៤១គ្រាប់ ដែលបាញ់ដោយរុស្ស៊ី។

ក្រុងបានអំពាវនាវសាជាថ្មីដោយសុំឲ្យមានគុណភាពខ្ពស់សំរាប់ប្រព័ន្ធការពារដែនអាកាសទំនើបពីដៃគូរលោកខាងលិចរបស់ខ្លួនស្របពេលដែលខ្លួនកំពុងតស៊ូដើម្បីការពារខ្លួនពីការវាយប្រហារបស់ជាបន្ដ

បន្ទាប់នោះ៕