រដ្ឋមន្រ្ដីការពារជាតិអ៊ីស្រាអែល លោក យ៉ាវ ហ្កាឡិន (Yoav Gallant) បាននិយាយកាលពីថ្ងៃច័ន្ទថា អ៊ីស្រាអែល មានបណងស្វែងរកមធ្យោបាយការទូតដើម្បីដោះស្រាយជម្លោះក្រុមប្រដាប់អាវុធហេសបូឡា

លីបង់ ដោយបានបន្ថែមថា ខ្លួននឹងឈប់បាញ់ដរាបណាស្ថានភាពសន្ដិសុខនៅក្នុងតំបន់ខាងជើងរបស់ខ្លួនមានភាពប្រសើរឡើង។

លោកហ្កាឡិន បានថ្លែងបែបនេះ ក្នុងជំនួបជាមួយរដ្ឋមន្រ្ដីការពារជាតិបារាំងលោក សេបាទ្យាំងលេគ័រនូ ដែលកំពុងធ្វើទស្សនកិច្ចក្នុងក្រុងតែលអាវីវ (Tel Aviv)។

លោកហ្កាឡិនបានថ្លែងថា អ៊ីស្រាអែលនឹងឈប់បាញ់រហូតទាល់តែខ្លួនអាចធានាបានសុវត្ថិភាពជាថ្មីសម្រាប់អ្នកស្រុករបស់ខ្លួននៅក្នុងតំបន់ព្រំដែន ទោះបីជាក្រុមហេសបូឡាបញ្ឈប់ការប្រយុទ្ធជាឯកតោភាគីក៏ដោយ។

នៅថ្ងៃជាមួយគ្នានោះ នាយករដ្ឋមន្រ្ដីអ៊ីស្រាអែល លោក បេនចាមីន ណេតាន់យ៉ាហ៊ូ បានជួបជាមួយលោកលេគ័រនូ ក្នុងក្រុងហ្ស៊េរុយសាឡឹម ដោយបាននិយាយថា ការបណ្ដេញក្រុមហេសបូឡាអោយចេញពីព្រំដែន បានបង្កើតបានមានគោលបំណងជាតិមួយរបស់អ៊ីស្រាអែល និងបានបញ្ជាក់ថា គោលបំណងនេះ អាចត្រូវបានគេអនុវត្ដន៍ផ្នែកការទូត ឬតាមមធ្យោបាយផ្សេងទៀត។

ព្រំដែនលីបង់-អ៊ីស្រាអែល ត្រូវគេមើលឃើញ ភាពតានតឹងបានកើនឡើងចាប់តាំងពីថ្ងៃទី៨តុលាឆ្នាំ២០២៣ បន្ទាប់ពីក្រុមហេសបូឡា បានបាញ់រ៉ូកែតជាច្រើនគ្រាប់ឆ្ពោះទៅប្រទេសអ៊ីស្រាអែល ដើម្បីគាំទ្រការវាយប្រហាររបស់ក្រុមហាម៉ាសកាលពីមួយថ្ងៃមុន ដែលធ្វើឲ្យអ៊ីស្រាអែលត្រូវតែឆ្លើយតបភ្លាមៗ ដោយបាញ់កាំភ្លើងធំ ធុនធ្ងន់ឆ្ពោះទៅភាគខាងត្បូងប្រទេសលីបង់៕