​កូរ៉េខាងជើង៖ ប្រជាពលរដ្ឋ​ក្រុង​ព្យុងយ៉ាង​ដែល​មិន​បញ្ចេញ​អត្តសញ្ញាណ ​ត្រូវ​បាន​ដកស្រង់​សម្ដី​ដោយសារ​ព័ត៌មាន​រដ្ឋ​ ដែល​ត្រូវ​បាន​ត្រួតពិនិត្យ​យ៉ាង​តឹងរ៉ឹង​ដែល​និយាយ​ថា ​ប្រជាពលរដ្ឋ​គ្រប់រូប​នៅ​ក្នុង​ប្រទេស​កូរ៉េខាងជើងតក់ស្លុត​ ចំពោះ​ការ​ស្រក​ទម្ងន់​របស់​មេដឹកនាំ Kim Jong Un បន្ទាប់ពី​បាន​មើល​វីដេអូ​ថ្មីៗ​របស់​លោក Kim​។​

ការ​អត្ថាធិប្បាយ​ជា​សាធារណៈ​ដ៏​កម្រ​ស្ដីពី​សុខភាព​របស់​លោក Kim មាន​ឡើង​បន្ទាប់ពី​ក្រុម​អ្នក​វិភាគ​បរទេស​បាន​កត់​សម្គាល់​កាលពីដើម​ខែ​មិថុនា​ថា មេដឹកនាំដែល​ត្រូវ​គេ​ជឿ​ថា​ មាន​អាយុ​ ៣៧​ឆ្នាំ​រូប​នេះ​ទំនងជា​ស្រក​ទម្ងន់​ច្រើន​។ បុរស​ម្នាក់​នោះ​បាន​និយាយ​នៅ​ក្នុង​បទសម្ភាសន៍​ ដែល​បាន​ចាក់​ផ្សាយ​ដោយសារ​ព័ត៌មាន KRT កាលពី​ថ្ងៃ​សុក្រ​ថា ការ​មើល​ឃើញ​អគ្គ​មេបញ្ជាការ​គួរ​ឲ្យ​គោរព Kim Jong Un មាន​សុខភាព​ចុះ​ខ្សោយ​ ធ្វើ​ឲ្យ​ប្រជាពលរដ្ឋ​តក់ស្លុត​ខ្លាំង​ណាស់​។​

នៅ​ក្នុង​ឃ្លី​ប​វីដេអូដែល​សារព័ត៌មាន Reuters មិន​អាច​ស្វែងរក​ការ​បញ្ជា​ក់​ដោយ​ឯករាជ្យ​បាន គេ​បាន​ឃើញប្រជាពលរដ្ឋ​ក្រុង​ព្យុងយ៉ាង​ កំពុង​ទស្សនា​ផ្ទាំង​អេក្រង់​ដ៏​ធំនៅ​តាម​ផ្លូវ​បង្ហាញ​ពី​លោក Kim និង​ក្រុម​មន្ត្រី​បក្ស​ចូលរួម​ទស្សនា​ការ​ប្រគំ​តន្ត្រី បន្ទាប់ពី​សម័យប្រជុំ​បក្ស​ពលករ​កូរ៉េ​៕

អត្ថបទ៖ សុខមាន