លោក ម៉ូតាស អាហ្សៃហ្សា (Motaz Azaiza) អ្នកសារព័ត៌មានវ័យក្មេងជនជាតិប៉ាឡេស្ទីន ដែលបានតាមយកព័ត៌មានអំពីការវាយលុកដែលកំពុងបន្តរបស់អ៊ីស្រាអែល បានរត់ភៀសខ្លួនចេញពីតំបន់ហ្កាហ្សា ដែលជាការសម្រេចចិត្តមួយ ដែលកើតឡើងនៅពេលដែលស្ថានភាពនៅក្នុងដែនដីនេះ កាន់តែអាក្រក់ឡើងៗពីមួយថ្ងៃទៅមួយថ្ងៃ ជាពិសេសសម្រាប់សមាជិកសារព័ត៌មាន។

កាលពីថ្ងៃអង្គារ អ្នកសារព័ត៌មានមានវ័យ២៤ឆ្នាំរូបនេះ បានបង្ហោះវីដេអូមួយនៅលើ Instagram ដោយប្រកាសថា ខ្លួននឹងចាកចេញពីតំបន់ហ្កាហ្សា។  ដោយពាក់អាវសារព័ត៌មាន «PRESS» ពណ៌ខៀវ ដែលពិភពលោក បានមកដើម្បីកំណត់អត្តសញ្ញាណខ្លួន និងអ្នកកាសែតប៉ាឡេស្ទីនផ្សេងទៀត លោកអាហ្សៃហ្សា បានប្រាប់អ្នកទស្សនាថា វីដេអូនេះ គឺជាលើកចុងក្រោយ ដែលអ្នកនឹងឃើញខ្ញុំជាមួយនឹងអាវកាក់ដ៏ក្រាស់ និងមានក្លិនស្អុយ។

លោកបាននិយាយ ដោយដកដង្ហើមធំថា៖«ខ្ញុំបានសម្រេចចិត្តជម្លៀសចេញនៅថ្ងៃនេះ។ «ខ្ញុំសូមអភ័យទោស ប៉ុន្តែសង្ឃឹមថា នៅឆាប់ៗនេះ ខ្ញុំនឹងត្រឡប់មកជួយកសាងតំបន់ហ្កាហ្សាម្តងទៀត»។

វីដេអូនេះ បានបញ្ចប់ដោយមិត្តភ័ក្តិ និងអ្នកសារព័ត៌មានរបស់អាហ្សៃហ្សា រួមទាំងអ្នកតាមដានសំខាន់ៗដូចជា អ្នកស្រី Hind Khoudary ជួយខ្លួនដោះអាវកាក់ដែបានពាក់ បន្ទាប់ពីជម្លោះ ផ្ទុះឡើងជាង ១០០ថ្ងៃកន្លងទៅហើយនោះ ។

លោកអាហ្សៃហ្សា បាននិយាយ ដោយឱបអ្នកកាសែតដទៃទៀត ខណៈពេលកំពុងលើកសញ្ញាសន្តិភាពថា៖«ខ្ញុំនឹងនឹកមនុស្សទាំងនេះ»។