អ្នកលក់ផ្កាតំបន់ហ្កាហ្សាម្នាក់ កំពុងលក់ផ្កាកូលាបទៅអោយជនជាតិប៉ាលេស្ទីនដែលបាត់បង់ទីជម្រកក្នុងក្រុងរ៉ាហ្វា(Rafah)រំពឹងថា នឹងជួយបង្កើនភាពរីករាយនៅក្នុងចំណោមប្រជាជនទូទៅក្នុងអំឡុងពេលមានសង្រ្គាម។

ហ៊ូសសាំ អាឌុលហាឌី(Hussam Abdulhadi)ដែលខ្លួនលោកជាអ្នកបាត់បង់ទីជម្រក កំពុងដើរទៅដើរមកជុំវិញជំរំតង់ក្នុងក្រុងរ៉ាហ្វា និងនៅខាងក្រៅមន្ទីពេទ្យជាមួយនឹងផ្កាកូលាបពណ៌ក្រហមមួយបាច់ៗដ៍ស្រស់ស្អាតដោយហៅមនុស្សម្នាអោយជួយទិញផ្កាល្អៗរបស់ខ្លួន។

អាឌុលហាឌី បាននិយាយថា អ្នកដែលមកទិញផ្កាកូលាបលោកគឺដើម្បីយកទៅអោយសមាជិកគ្រួសាររបស់ពួកគេដែលរងរបួស ឬសាច់ញាតិនៅក្នុងមន្ទីពេទ្យ ឬអ្នកដែលបាត់បង់ផ្ទះសំបែងនៅក្នុងអំឡុងពេលសង្រ្គាម។

អ្នកស្រុកម្នាក់ឈ្មោះ វ៉ាហ្វាអា អាល់អារ៉ៃ(Wafaa al-Arrai) បាននិយាយខណះដែលកំពុងកាន់ផ្កាកូលាប ១ទងថា ផ្កាកូលាបនេះ បានជួយលើកទឹកចិត្ដ និងនាំមកនូវសុទិដ្ឋិនិយមបន្ទាប់ពីអ្វីដែលយើងបានឃើញពីសង្រ្គាម ការបំផ្លិចបំផ្លាញ ហើយនិងការបំផ្លិចបំផ្លាញផ្ទះសម្បែង៕