ទីភ្នាក់ងារព័ត៌មានរ៉យទ័រ បានរាយការណ៍កាលពីថ្ងៃទី២៣ ខែមករាថា មន្ត្រីអឺរ៉ុបជឿជាក់ថា វាមិនទំនងជាថា សហភាពអឺរ៉ុប នឹងរឹបអូសទ្រព្យសម្បត្តិរបស់ធនាគារកណ្តាលរុស្ស៊ីនោះទេ ដែលមួយផ្នែកដោយសារតែហានិភ័យផ្នែកច្បាប់។

ចាប់តាំងពីការចាប់ផ្តើមនៃការលុកលុយទ្រង់ទ្រាយធំ សហភាអឺរ៉ុប និងប្រទេសផ្សេងទៀតនៃក្រុមG7 បានបង្កកទ្រព្យសម្បត្តិប្រហែល ៣០០ពាន់លានអឺរ៉ូ (៣២៥ ពាន់លានដុល្លារ)ពីធនាគារកណ្តាលរបស់រុស្ស៊ី ប៉ុន្តែមានការខ្វះការយល់ស្របលើវិធីល្អបំផុតដើម្បី រឹបអូសយកទ្រព្យសម្បត្តិមួយផ្នែក ឬទាំងអស់ ហើយប្តូរទិសមូលនិធិ ទៅអ៊ុយក្រែនវិញ។

លោកចូសិប បូរ៉ែល ( Josep Borrell) ប្រមុខការទូតរបស់សហភាពអឺរ៉ុប បាននិយាយកាលពីថ្ងៃទី ២២ ខែមករាថា រដ្ឋមន្ត្រីការបរទេសសហភាពអឺរ៉ុប បានឈានដល់កិច្ចព្រមព្រៀងនយោបាយ ដើម្បីបញ្ចប់ការងារលើការផ្ទេរប្រាក់ចំណូលពីទ្រព្យសម្បត្តិរបស់រុស្ស៊ី ដែលបានបង្កក ទៅអ៊ុយក្រែន។

ផែនការនេះ គឺផ្អែកលើសំណើដែលបានធ្វើឡើង នៅក្នុងខែធ្នូ ដែលបង្ហាញថា សហភាពអឺរ៉ុប អាចរឹបអូសបានប្រហែល ១៥ពាន់លានអឺរ៉ូ (១៦.២ ពាន់លានដុល្លារ) នៅក្នុងប្រាក់ចំណេញ ដែលបានគ្រោងទុកដែលបង្កើតឡើងដោយទ្រព្យសម្បត្តិដែលបានបង្កករបស់ធនាគារកណ្តាលរបស់រុស្ស៊ី ហើយផ្ទេរពួកវាទៅឲ្យអ៊ុយក្រែន។