ក្រុមប្រដាប់អាវុធរបស់ក្រុមសកម្មប្រយុទ្ធហាម៉ាសប៉ាឡេស្ទីន កាលពីថ្ងៃអង្គារ បានចេញផ្សាយវីដេអូមួយដែលគេបានកែសម្រួលទៅកាន់ប្រព័ន្ធផ្សព្វផ្សាយដែលអះអាងបង្ហាញពីការវាយប្រហារដោយគ្រាប់រ៉ូកែត ដែលបានសម្លាប់ទាហាននអ៊ីស្រាអែល២១នាក់ នៅក្នុងតំបន់ហ្កាហ្សា ស្រ្ទីប។

អ៊ីស្រាអែល កាលពីពេលមុននេះ បានបន្ទោសសកម្មប្រយុទ្ធប៉ាឡេស្ទីនមិនស្គាល់អត្តសញ្ញាណចំពោះការវាយប្រហារដោយកាំភ្លើងបាញ់អាវុធបេភេទRPG កាលពីថ្ងៃច័ន្ទដែលជាថ្ងៃបង្ហូរឈាមខ្លាំងបំផុតសំរាប់យោធាអ៊ីស្រាអែលនៅក្នុងយុទ្ធនាការក្នុងតំបន់ហ្កហ្សា។

ក្រុមហាម៉ាសបានអះអាងទទួលខុសត្រូវចំពោះការវាយប្រហាដោយគ្រាប់រ៉កែត។

ក្រុមហាម៉ាសបាននិយាយនៅក្នុងសារមួយដែលផ្សព្វផ្សាយតាមប្រព័ន្ធផ្សព្វផ្សាយ ដែលអមជាមួយវីដេអូឃ្លីបមួយពីការវាយប្រហារនោះថា សូមពិនិត្យមើលការប្រហារជីវិតធ្វើឡើងដោយអ្នកប្រយុទ្ធមកពីកងពលតូច អាល់ កាសាំ (Al-Qassam) នៅក្នុងរង្វង់ប្រតិបត្ដិការមួយប្រឆាំងនឹងទាហានសត្រូវ និងរថយន្ដជាច្រើនគ្រឿងនៅ ភាគខាងកើតជំរំជនភៀសខ្លួន អាល់ម៉ាហ្កាហ្ស៊ី (Al-Maghazi) ។

អ្នកសារព័ត៌មានរ៉យទ័រមិនអាចផ្ទៀងផ្ទាត់ដោយឯករាជ្យពីវីដេអូនេះបានទេ។

អ្នកនាំពាក្យយោធាអ៊ីស្រាអែលឧត្ដមនាវី ដានីញ៉ែល ហាហ្ការី បានប្រាប់អ្នកសារព័ត៌មានក្នុងក្រុងតែលអាវីវ (Tel Aviv)ថា រ៉ូកែតជាច្រើនគ្រាប់ បានធ្លាក់ចំអគារមួយដែលកងទ័ពអ៊ីស្រាអែលបានដាក់គ្រឿងផ្ទុះ។ លោកបានបន្ដថា ហើយការវាយប្រហានេះបានបង្កអោយអគារនោះ និងអគារមួយទៀតដែលនៅជិតដួលរលំទាំងស្រុង៕