បាល់ទាត់៖ ក្រុមម្ចាស់ផ្ទះ Copa America ប្រេស៊ីលបានបញ្ចប់ដំណើរឈ្នះរហូតរបស់ខ្លួន ១០ ប្រកួតជាប់គ្នាក្រោយស្មើ ១-១ ជាមួយនឹងអេក្វាដ័រ ក្នុងការប្រកួតពានរង្វាន់ជើងឯកអាមេរិកខាងត្បូង Copa America។
ប្រេស៊ីលដែលធានាបានកៅអីនៅវគ្គ ៨ក្រុមចុងក្រោយទៅហើយនោះរកបានគ្រាប់នាំមុខនៅនាទីទី៣៧ ដោយ Eder Militao ដែលជាគ្រាប់ដំបូងរបស់គេអោយក្រុមជំរើសជាតិប្រេស៊ីល។ វគ្គទី២ អេក្វាដ័រក៏តាមស្មើវិញបានសំរេចដោយ Angel Mena នៅនាទីទី៥៣។ លទ្ធផលស្មើរបស់អេក្វាដ័រក៏បានធ្វើអោយពួកគេធានាបានកៅអីនៅវគ្គ ៨ក្រុមចុងក្រោយផងដែរ បន្ទាប់ពីក្រុមបាតពូលវេណេហ្សុយអេឡាចាញ់ពែរូ ១-០។ Andre Carrillo ជាអ្នកសំរេចគ្រាប់បាល់ជ័យជំនះអោយប៉េរូដើម្បីបញ្ចប់លេខ២ ក្នុងពូល។
ដូច្នេះក្នុងពូល B នេះបានបញ្ចប់ហើយក្នុងចំណោម ៥ក្រុមមាន ៤ក្រុមឡើងវគ្គ ៨ក្រុមចុងក្រោយរួមមានប្រេស៊ីល ប៉េរូ កូឡុំប៊ី និងអេក្វាដ័រ។ ពូល A នឹងបញ្ចប់ការប្រកួតនៅព្រឹកស្អែកនេះ ដើម្បីសំរេចចំណាត់ថ្នាក់ក្រុមប៉ុណ្ណោះ ដែលរួមមានជំនួបរវាងអ៊ុយរូហ្កាយ និងប៉ារ៉ាហ្កាយ និងបូលីវៀជួបអាហ្សង់ទីន បន្ទាប់ពី ៤ក្រុមរកឃើញកៅអីឡើងមកវគ្គបន្ទាប់រួចហើយ រួមមានអាហ្សង់ទីន ប៉ារ៉ាហ្កាយ ស៊ីលី និងអ៊ុយរូហ្កាយ ខណៈក្រុមធ្លាក់គឺបូលីវៀ៕
អត្ថបទ៖នាង សុភាវុធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
