ប្រមុខកងទ័ពជើងទឹកឥណ្ឌា លោកឧត្តមនាវីឯក R. Hari Kumar បានប្រាប់ទូរទស្សន៍ CNN-News 18 នៅថ្ងៃព្រហស្បតិ៍នេះថា រដ្ឋាភិបាលរបស់ប្រទេសឥណ្ឌា មិនបានប្រាប់បុគ្គលិកការពារជាតិរបស់ខ្លួនឲ្យ ដកខ្លួនចេញពីប្រទេសម៉ាល់ឌីវ បន្ទាប់ពីការស្នើសុំពីទីក្រុងម៉ាល។

ទំនាក់ទំនងរបស់ឥណ្ឌាជាមួយប្រទេសម៉ាល់ឌីវ មានភាពតានតឹង បន្ទាប់ពីប្រធានាធិបតីម៉ាល់ឌីវជាប់ឆ្នោត លោក Mohamed Muizzu កាលពីឆ្នាំមុន បានសន្យាថា នឹងបញ្ចប់គោលនយោបាយ «ឥណ្ឌាដំបូង» របស់ប្រទេសរបស់ខ្លួន ហើយក្រោយមក បានអំពាវនាវឲ្យមានការដកទ័ពឥណ្ឌា ត្រឹមថ្ងៃទី ១៥ ខែមីនា។

ការសម្រេចចិត្តរបស់លោក Muizzu ត្រូវបានគេមើលឃើញថា ជាចំណុចមួយនៅឆ្ងាយពីប្រទេសឥណ្ឌាក្នុងការកសាងទំនាក់ទំនងកាន់តែរឹងមាំជាមួយប្រទេសចិន នៅក្នុងតំបន់ដែលទីក្រុងញូវដែលី និងទីក្រុងប៉េកាំង ប្រកួតប្រជែងដណ្តើមឥទ្ធិពល។

លោក Kumar បាននិយាយនៅពេលត្រូវបានសួរអំពីការវិលត្រឡប់របស់បុគ្គលិកការពារជាតិពីប្រទេសម៉ាល់ឌីវថា៖«យើងរង់ចាំការណែនាំ ទោះបីជាការសម្រេចចិត្តបែបណាក៏ដោយ» ដោយបន្ថែមថា ទីក្រុងញូវដែលី     «ពិតជាមិនបាន» ចេញការជូនដំណឹងណាមួយដល់កងទ័ពជើងទឹក រហូតមកទល់ពេលនេះ។

ទាហានឥណ្ឌាប្រហែល ៨០នាក់ កំពុងឈរជើងនៅលើប្រជុំកោះនៃមហាសមុទ្រឥណ្ឌា ដើម្បីផ្តល់ជំនួយសម្រាប់សម្ភារៈយោធា ដែលផ្តល់ដល់ទីក្រុងម៉ាលដោយទីក្រុងញូវដែលី និងជួយក្នុងសកម្មភាពមនុស្ស   ធម៌។