កសិករបារាំងត្រូវបានគេឃើញកំពុងបើកត្រាក់ទ័រជាច្រើនគ្រឿងនៅក្នុងក្បួនមួយនៅខាងក្រៅក្រុងប៉ារីស​កាលពីថ្ងៃសៅរ៍ ដើម្បីចូលរួមតវ៉ា​ប្រឆាំង​នឹង​រដ្ឋាភិបាល​ដែល​បាន​អូស​បន្លាយ​ពេល​ជាង​ពី​រសប្ដាហ៍មកហើយ។

សាក្សីម្នាក់ដែលបានបង្ហោះវីដេអូពីត្រាក់ទ័រជាច្រើនគ្រឿង នៅលើបណ្ដាញផ្សព្វផ្សាយសង្គម បាន​និយាយ​ថា ពួកគេកំពុងធ្វើដំណើរនៅលើផ្លូវ N104 ឆ្ពោះទៅផ្លូវ រ័រស៊ី អង់ហ្រ្វង់ (Roissy-en-France) និងបានប្រាប់អ្នកសារព័ត៌មាន Reutersថា លោកបានចេញពីគ្រួសារបស់កសិករមួយ និង​បានគាំទ្រការតវ៉ានេះ។

រដ្ឋាភិបាលបារាំងបានទម្លាក់ចោលនូវផែនការកាត់បន្ថយការឧបត្ថម្ភធនពីរដ្ឋបន្ដិចម្ដងៗទៅលើប្រេង​ម៉ាស៊ូត​បំរើការអោយវិស័យកសិកម្ម ប៉ុន្ដែការ​បន្ថយ​នោះ​វា​ហាក់​មិន​គ្រប់​គ្រាន់​ឡើយ សម្រាប់​កសិករ​ដែល​ខឹងសម្បានៅជុំវិញក្រុងប៉ារីស ហើយនៅតែគំរាម​ធ្វើអោយ​រដ្ឋធានី​ជុំ​ជិត​ទៅដោយ​ត្រាក់​ទ័ររបស់ពួកគេទៀតផង។

សជីពកសិកម្មក្នុងស្រុកបានអំពាវនាវអោយបិទផ្លូវនានាទាំងក្នុង និងជុំវិញក្រុងប៉ារីស ដើម្បី​បង្កើន​ការ​ដាក់សម្ពាធលើរដ្ឋាភិបាលដែលក្រុមកសិករចោទប្រកាន់ថា ជួយពួក​គេ​មិន​បាន​គ្រប់គ្រាន់​ក្នុង​ការ​ទប់ស្កាត់​នូវអ្វីដែលគេនិយាយថា តម្លៃអាហារទាប និងនិយ័តកម្មហួសហេតុ៕ អត្ថបទ៖ មករា