កាលពីយប់ថ្ងៃទី២៧ ខែមករា ឆ្នាំ២០២៤ ក្នុងយុទ្ធនាការអនុវត្តរឹត​បន្តឹងច្បាប់ចរាចរណ៍ផ្លូវគោក និង​ត្រួតពិនិត្យជាតិអាល់កុល ​នគរបាល​រាជ​ធានី​ភ្នំពេញ បានឃាត់យានយន្តល្មើសសរុប ចំនួន ២៥៨គ្រឿង (រថយន្ត ចំនួន៣៦គ្រឿង, ម៉ូតូ ចំនួន​២២២​គ្រឿង) ក្នុងនោះរកឃើញ​អ្នកបើកបរ​ល្មើស​កម្រិត​ជាតិ​អាល់កុល ៧៤នាក់ (រថយន្ត ៥៨, ម៉ូតូ ១៦)។

យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា ការអនុវត្តរឹត​បន្តឹង​ច្បាប់​ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី ឯកឧត្តម នាយ​ឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួ​ត​ពិនិត្យ​អនុវត្ត​ផ្ទាល់​ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង​ការ​នគរបាល​រាជ​ធានី​ភ្នំពេញ ​នៅយប់ថ្ងៃទី២៧ ខែមករា ឆ្នាំ២០២៤ តាមបណ្តាអធិការដ្ឋាននគរបាលខណ្ឌ បាន​ចុះ​អនុវត្ត​​រឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ដោយឃាត់យានយន្តល្មើស សរុប​ចំនួន ២៥៨គ្រឿង (រថយន្ត ចំនួន៣៦គ្រឿង, ម៉ូតូ ចំនួន២២២គ្រឿង) ក្នុងនោះ៖

១. ល្មើសជាតិស្រវឹង ចំនួន៧៤គ្រឿង

+កម្រិត ០.២៥ - ០.៣៩ mg/L ចំនួន១៦គ្រឿង

-អ្នកបើកបរម៉ូតូ ចំនួន០៧នាក់

-អ្នកបើកបររថយន្ត ចំនួន០៩នាក់

+កម្រិត ០.៤០ mg/L ឡើង ចំនួន ៥៨គ្រឿង

-អ្នកបើកបរម៉ូតូ ចំនួន៣២នាក់

-អ្នកបើកបររថយន្ត ចំនួន២៦នាក់

២. បទល្មើសផ្សេងៗ ចំនួន១៨៤គ្រឿង

-អត់មួកសុវត្ថិភាព ចំនួន១៨០គ្រឿង

-ដឹកសំពីងសំពោង ចំនួន០១គ្រឿង

-ម៉ូតូកែច្នៃបំពង់ស៊ីម៉ាំង ចំនួន០១គ្រឿង

-ម៉ូតូជិះបញ្រ្ចាស់ទិស ចំនួន០១គ្រឿង

-អ្នកបើកម៉ូតូមានសារធាតុញៀន ចំនួន០១គ្រឿង

៣. វិធានការអប់រំ​

-អប់រំអ្នកបើកបរមានជាតិអាល់កុលក្រោម​ ០.២៥ mg/L ចំនួន១៨នាក់

-អប់រំអ្នកបើកបរមិនពាក់មួកសុវត្ថិភាព​ ចំនួន៧១នាក់ (មានមួក​ មិនព្រមពាក់)

៤. ការរក្សាទុកយានយន្ត​ និងផាកពិន័យ

- ផាកពិន័យ​ ចំនួន​១៨៦គ្រឿង

- នៅសល់​ ចំនួន​៧២គ្រឿង

- រក្សាទុកនៅអធិការដ្ឋាននគរបាលខណ្ឌ​ ចំនួន​៦១គ្រឿង (រថយន្ត ចំនួន១៥គ្រឿង, ម៉ូតូ ចំនួន៤៦គ្រឿង)

- បញ្ជូនទៅការិយាល័យ ចំនួន​ ១០គ្រឿង