អតីតមេបញ្ជាការសម្ព័ន្ធភាពកំពូលណាតូម្នាក់ បាននិយាយថា ការបញ្ចប់សង្គ្រាមអ៊ុយក្រែន អាចមើលទៅដូចសង្គ្រាមកូរ៉េ ដែលផ្នែកខ្លះនៃអ៊ុយក្រែននៅសេសសល់ ត្រូវបានគ្រប់គ្រងដោយកងកម្លាំងរុស្ស៊ី។

លោក ជេមស៍ ស្តាវរីឌីស (James Stavridis) កងទ័ពជើងទឹកអាមេរិកដែលចូលនិវត្តន៍ បាននិយាយនៅkក្នុងកម្មវិធី«The Cats Roundtable»របស់ 77 WABC ដែលត្រូវបានចាក់ផ្សាយកាលពីថ្ងៃអាទិត្យថា៖«ទីបំផុត វានឹងបញ្ចប់ដូចជាសង្រ្គាមកូរ៉េ មានន័យថា រុស្ស៊ីប្រហែលជានៅតែគ្រប់គ្រងផ្នែកខ្លះនៃអ៊ុយក្រែន គ្រីម៉េ ស្ពានដីទៅកាន់ប្រទេសរុស្ស៊ី។ បទសម្ភាសន៍តាមវិទ្យុ ដែលផ្សាយកាលពីថ្ងៃអាទិត្យ។

លោកស្តាវរីឌីស បានបន្ថែមថា៖«ម្យ៉ាងវិញទៀត ខ្ញុំឃើញអ៊ុយក្រែនកំពុងចូលទៅក្នុងអង្គការណាតូ»។

ប្រទេសរុស្ស៊ី បានលុកលុយអ៊ុយក្រែនក្នុងខែកុម្ភៈ ឆ្នាំ២០២២។ ជម្លោះអូសបន្លាយជាយូរ បានឃើញថា រុស្ស៊ីកំពុងប្រឈមមុខនឹងទណ្ឌកម្មដ៏អាក្រក់របស់ប្រទេសលោកខាងលិច ហើយអ៊ុយក្រែន ពឹងផ្អែកលើការគាំទ្ររបស់លោកខាងលិចសម្រាប់កិច្ចខិតខំប្រឹងប្រែងសង្រ្គាមរបស់ពួកគេ។

លោកស្តាវរីឌីស បានប្រាប់ពិធីករវិទ្យុលោក ចន ខាតស៊ីម៉ាទីឌីស (John Catsimatidis)ថា៖«ទាំងរុស្ស៊ី និងអ៊ុយក្រែន កាន់តែហត់នឿយដោយសង្រ្គាមនេះ ទាក់ទងនឹងសមត្ថភាពយោធារបស់ពួកគេ និងនៅក្នុងលក្ខខណ្ឌនៃទណ្ឌកម្មសេដ្ឋកិច្ច ដែលកំពុងត្រូវបានអនុវត្តលើភាគីទាំងពីរ»។

លោកស្តាវរីឌីស បានបន្តទៀតថា៖«លោកចន នៅពេលដែលខ្ញុំនិយាយសរុបទាំងអស់មក ខ្ញុំគិតថា នៅចុងឆ្នាំនេះ ប្រហែលជាបន្ទាប់ពីការបោះឆ្នោតនៅសហរដ្ឋអាមេរិក យើងមានពេលមួយសម្រាប់ការចរចាដ៏សំខាន់»។

នៅខែកញ្ញា ឆ្នាំ ២០២២ ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelenskyy) បានចេញក្រឹត្យមួយ ដោយនិយាយថា ការចរចាសន្តិភាពគឺ «មិនអាចទៅរួច» ជាមួយមេដឹកនាំរុស្ស៊ីលោក វ្ល៉ាឌីមៀ ពូទីន (Vladimir Putin)ទេ។