វីដេអូដែលបង្ហាញពីការងារជួសជុលនៅពីរ៉ាមីត Menkaure នៃប្រទេសអេហ្ស៊ីបនៅទីក្រុងហ្គីហ្សា (Giza) បានបង្កឲ្យមានការរិះគន់ប្រព័ន្ធផ្សព្វផ្សាយសង្គម ដោយអ្នកជំនាញម្នាក់ បានបដិសេធថា «មិនសមហេតុផល»របស់វា។

លោកម៉ូស្តាហ្វា វ៉ាហ្ស៊ីរី (Mostafa Waziri) ដែលជាប្រធានក្រុមប្រឹក្សាជាន់ខ្ពស់នៃវត្ថុបុរាណរបស់ប្រទេសអេហ្ស៊ីប បានហៅវាថា «គម្រោងនៃសតវត្សរ៍»។

នៅក្នុងវីដេអូមួយដែលត្រូវបានបង្ហោះនៅលើហ្វេសប៊ុក កាលពីថ្ងៃសុក្រ លោកវ៉ាហ្ស៊ីរី បានបង្ហាញកម្មករកំពុងដំឡើងថ្មក្រានីតនៅលើមូលដ្ឋាននៃពីរ៉ាមីត ដែលស្ថិតក្រៅពីទេវរូប និងពីរ៉ាមីតខាហ្វរេ ( Khafre) និងជីព (Cheops) ធំជាងនៅទីក្រុងហ្គីហ្សា។

នៅពេលសាងសង់ដំបូង ពីរ៉ាមីតត្រូវបានរុំព័ទ្ធដោយថ្មក្រានីត ប៉ុន្តែយូរៗ ទៅបាត់បង់ផ្នែកខ្លះនៃគម្របរបស់វា។ ការជួសជុលនេះ មានគោលបំណងស្តាររចនាបថដើមរបស់រចនាសម្ព័ន្ធឡើងវិញ ដោយការសាងសង់ស្រទាប់ថ្មក្រានីតឡើងវិញ។

លោកវ៉ាហ្ស៊ីរី ដែលជាប្រធានបេសកកម្មអេហ្ស៊ីប-ជប៉ុនទទួលបន្ទុកគម្រោងនេះ បាននិយាយថា ការងារគ្រោង នឹងមានរយៈពេលបីឆ្នាំ ហើយនឹងក្លាយជា «អំណោយរបស់ប្រទេសអេហ្ស៊ីបដល់ពិភពលោកក្នុងសតវត្សរ៍ទី២១»។

ប៉ុន្តែនៅក្រោមវីដេអូនេះ មនុស្សរាប់សិបនាក់ដែលមិនសូវពេញចិត្ត បានបញ្ចេញមតិរិះគន់ការងារជួសជុលនេះ។