តាកែវ ៖ បន្ទាប់ពីបានឃើញព័ត៌មានតាមបណ្តាញសង្គម​ Tik Tok ស្តីពីករណីដុតស្រូវរបស់ប្រជាកសិកររួចមក,​ នៅរសៀល​ថ្ងៃទី២៩​ ខែមករា​ ឆ្នាំ២០២៤ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ បានចាត់ឱ្យ​លោកជំទាវ​ ម៉ែន​ នារីសោភ័គ​ អគ្គលេខាធិការរងទី​១ កាកបាទក្រហមកម្ពុជា​ ចុះសួរសុខទុក្ខ​ និងនាំយកអំណោយមនុស្សធម៌ផ្តល់ជូន​លោក យន​ ឡាច រស់នៅភូមិសំរោងខាងលិច​ ឃុំគោកព្រេច​ ស្រុកគិរីវង់ ខេត្តតាកែវ ជាកសិកររងគ្រោះដោយការដុតស្រូវ​។

ក្នុងឱកាសនោះ​ លោកជំទាវ​អគ្គលេខាធិការរងទី​១​ បាននាំនូវប្រសាសន៍របស់សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដែលផ្តាំផ្ញើសួរសុខទុក្ខ​ និងសោកស្តាយចំពោះហេតុការណ៍នេះ ជាពិសេសផ្តាំផ្ញើដ ល់បងប្អូនប្រជាកសិករទាំងអស់ សូមមានការប្រុងប្រយ័ត្ន​កុំឱ្យមានករណីដូចនេះកើតឡើងទៀត ហើ យត្រូវចេះយោគយល់​គ្នា​ អធ្យាស្រ័យគ្នា​ ក្នុងនាមជាខ្មែរដូចគ្នា​ និងត្រូវដោះស្រាយបញ្ហាដោយសន្តិវិធី ។ លោកជំទាវ​ក៏បានផ្តាំផ្ញើ​ដល់ប្រជាកសិកររូបនេះ សូមថែទាំសុខភាពឱ្យបានល្អ ដើម្បីបន្តប្រឹងប្រែងប្រកបរបរចិញ្ចឹមជីវិត ដើម្បីលើកកម្ពស់ជីវភាពគ្រួសារ។

លោក យន ឡាច មានក្តីរំភើបរីករាយ និងថ្លែងអំណរគុណយ៉ាងជ្រាលជ្រៅបំផុតចំពោះសម្តេចកិត្តិព្រឹ ទ្ធបណ្ឌិត​ ប៊ុន​ រ៉ានី​ ហ៊ុនសែន​ ដែលបានគិតគូរពីសុខទុក្ខ លើកទឹកចិត្ត ព្រមទាំងបានឧបត្ថម្ភ​គ្រឿងឧប ភោគ បរិភោគ​ សម្ភារប្រើប្រាស់ និងថវិកា​ ១០លានរៀល​ ដើម្បីជួយសម្រាលការលំបាកក្នុងជីវភាពរស់នៅ។ លោកក៏បានថ្លែងអំណរគុណដល់អាជ្ញាធរមូលដ្ឋាន​ ដែលបានជួយដោះស្រាយបញ្ចប់បញ្ហាដោ យសន្តិវិធី និងទទួលបានយុត្តិធម៌​ ក្រោមម្លប់សន្តិភាព​ និងការអភិវឌ្ឍ។

ក្រៅពីអញ្ជើញសួរសុខទុក្ខ និងផ្ដល់ជូនអំណោយដល់កសិកររូបនេះ លោកជំទាវ​ ម៉ែន​ នារីសោភ័គ​ និងសហការី​ រួមជាមួយមន្ត្រីសាខាកាកបាទក្រហមកម្ពុជាខេត្តតាកែវ​ និងអនុសាខាស្រុកគិរីវង់​ បានបន្តចុះសួរសុខទុក្ខ​ និងចែកអំណោយមនុស្សធម៌ជូនជនចាស់ជរាឥតទីពឹងចំនួន​ ៣៨គ្រួសារ​ រស់នៅក្នុងឃុំគោកព្រេច​ ស្រុកគិរីវង់​ ខេត្តតាកែវ​ ផងដែរ។

ក្នុងឱកាសជួបសំណេះសំណាលជាមួយជនចាស់ជរានៅទីនោះ លោកជំទាវ​អគ្គលេខាធិការរងទី​១​ បាននាំនូវប្រសាសន៍ផ្តាំផ្ញើសួរសុខទុក្ខ និងការគិតគូរពីសំណាក់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ចំពោះលោកយាយលោកតាទាំងអស់​ និងផ្តាំផ្ញើលោកតាលោកយាយទាំងអស់ សូមថែទាំសុខភាព​ឱ្យបានល្អ បរិភោគមានអនាម័យ មានអាហារូបត្ថម្ភ​ត្រឹមត្រូវ កុំហូបប្រៃពេក ផ្អែមពេក ​ខ្លាញ់ពេក​ និ ងគ្រឿងស្រវឹង​ ដែលបង្កឱ្យមានជំងឺផ្សេងៗ។ ជាមួយគ្នានេះ​ សូមចូលរួមថែរក្សាការពារ​បរិស្ថាន​ កាត់ប ន្ថយការប្រើប្រាស់ថង់ប្លាស្ទិក ដើម្បីសុខភាពល្អរបស់យើងទាំងអស់គ្នា​ និងភពផែនដីទាំងមូល។

អំណោយដែលចែកជូនជនចាស់ជរានៅទីនោះ បានផ្ដល់ជូនគ្រួសារនីមួយៗទទួលបាន អង្ករ​ ២៥ គីឡូ ក្រាម​,​ មី​ ១កេស​,​ ត្រីខ​ ១០កំប៉ុង​,​ ទឹកស៊ីអ៊ីវ​ ឬទឹកត្រី​ ១យួរ​ និងឃីត​មានមុង​ ភួយ​ សារុង​ ក្រមាជាដើម ១ កញ្ចប់៕ ដោយ៖ គង់ ឌិន