កំពង់ឆ្នាំង ៖ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ នៅថ្ងៃទី២៩​ ខែមករា ឆ្នាំ២០ ២៤ បានចាត់ឱ្យលោកជំទាវ​ ម៉ែន​ នារីសោភ័គ​ អគ្គលេខាធិការរងទី​១ ចុះពិនិត្យភ្លាមៗនូវទីតាំងសាងស ង់ផ្ទះថ្មី ១ខ្នង​​ ជូនដល់យុវជនកំព្រា​ ២នាក់បងប្អូនដែលកំពុងរស់នៅភូមិត្បែងខ្ពស់​ ឃុំត្បែងខ្ពស់​ ស្រុកសាមគ្គីមានជ័យ​ ខេត្តកំពង់ឆ្នាំង។

យុវជនកំព្រា​ ២ នាក់​បងប្អូននេះ, បងប្រុសឈ្មោះ​ ពឹម​ សំណាង​ អាយុ​ ១៧ឆ្នាំ​ មានជំងឺមិនប្រក្រតីទ្វារធំពីកំណើត បច្ចុប្បន្នជាកម្មករនៅកសិដ្ឋានចិញ្ចឹមជ្រូក​ និងប្អូនស្រីឈ្មោះ​ ពឹម​ ណេង​ អាយុ ១២ឆ្នាំជាសិ ស្សរៀនថ្នាក់ទី៦។

លោកជំទាវ ម៉ែន នារីសោភ័គ បានឱ្យដឹងថា៖ បន្ទាប់ពីបានទទួលព័ត៌មានពីភាពងាយរងគ្រោះបំផុតរប ស់យុវជនកំព្រាទាំងពីររួចមក, សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ បានចាត់ឱ្យសហការី​ ចុះពិនិត្យទីតាំងសមស្រប​ ដែលអាចសាងសង់ផ្ទះបានសមរម្យ​។ ជាក់ស្តែង​ បេសកកម្មក្នុងថ្ងៃនេះ​ គឺក្រុមការ ងារបានចុះមកពិនិត្យស្ថានភាពជាក់ស្តែងរួចហើយ ហើយក្រុមជាងក៏នឹងចុះមកសាងសង់ឱ្យបានឆាប់ ៗ ទៅតាមអនុសាសន៍របស់​សម្តេចកិត្តិព្រឹទ្ធបណ្ឌិតផងដែរ។

លោកជំទាវបញ្ជាក់បន្ថែមថា៖ ការសម្រេចសាងសង់ផ្ទះឱ្យបានសមរម្យនេះ គឺជាការបន្ថែមនូវគុណត ម្លៃចំពោះសប្បុរសជនទាំងអស់ដែលបានជួយដល់យុវជនកំព្រាទាំងពីរនាក់នេះ និងជាការគិតគូរវែងឆ្ងាយ​របស់សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា​ ដែលយកចិត្តទុកដាក់ទៅលើសុខភា ព​ អនាម័យ និងគិតគូរពីសុវត្ថិភាព​របស់ក្មេងស្រី ដែលត្រូវសិក្សារៀនសូត្រ​ និងរស់នៅបានយូរអង្វែងតទៅមុខទៀត។

ចំពោះបញ្ហាជំងឺរបស់ ពឹម​ សំណាង​ វិញ​, សម្តេចកិត្តិព្រឹទ្ធបណ្ឌិត​ បានផ្តល់អនុសាសន៍ឱ្យបញ្ជូនមកព្យា បាលជាបន្ទាន់នៅមន្ទីរពេទ្យកាល់ម៉ែត ក្នុងរាជធានីភ្នំពេញ ដើម្បីវេជ្ជបណ្ឌិតជំនាញព្យាបាលឱ្យបានឆា ប់ជាសះសើ្បយ។

ក្នុងឱកាសចុះសួរសុខទុក្ខនៅមន្ទីរពេទ្យ​,​ លោកជំទាវ​អគ្គលេខាធិការរងទី​១​ បាននាំនូវប្រសាសន៍របស់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដែលផ្តាំផ្ញើសួរសុខទុក្ខ និងគិតគូរពីជីវភាពរស់នៅ ព្រមទាំ ងបានជម្រាបជូនពី​ការសាងសង់ផ្ទះថ្មី​ ១ខ្នង​ រួមទាំងការគិតគូរពីសុខភាព គឺការបញ្ជូនមកពិនិត្យព្យាបា លភ្លាមៗ​ និងរ៉ាប់រងការចំណាយទាំងស្រុងលើការព្យាបាលនេះផងដែរ។

លោកជំទាវ​បានផ្តាំផ្ញើលើកទឹកចិត្តដល់យុវជនកំព្រាទាំងពីរនាក់នោះ ឱ្យថែទាំសុខភាពឱ្យបានល្អ អនុវ ត្តតាមវេជ្ជបញ្ជាគ្រូពេទ្យ​ និងជូនពរឱ្យឆាប់បានជាសះស្បើយឡើងវិញ។ ទន្ទឹមនឹងនេះ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ក៏បានឧបត្ថម្ភថវិកាចំនួន​ ៥លានរៀល​ ក្នុងអំឡុងពេលកំពុងសម្រាកព្យាបា លនោះផងដែរ។ លោកជំទាវ​ ក៏បានថ្លែងអំណរគុណចំពោះម្តាយធំឪពុកធំរបស់យុវជនទាំងពីរ ដែលបានផ្តល់ជម្រកស្នាក់នៅបណ្តោះអាសន្ន​ និងនៅមើលថែទាំក្មួយក្នុងពេលកំពុងសម្រាកព្យាបាលជំងឺ

នេះផងដែរ​។

យុវជនកំព្រាទាំងពីរ មានក្ដីរំភើបឥតឧបមា និងថ្លែងអំណរគុណយ៉ាងជ្រាលជ្រៅចំពោះ​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដែលបានគិតគូរលើកទឹកចិត្ត និងផ្តល់ការឧបត្ថម្ភដ៏ធំធេងក្នុងឆាកជីវិត​ដែ លរំពឹងថា នឹងមានអនាគតភ្លឺស្វាងដូចយុវជនដទៃទៀតដែរ។

សូមជម្រាបជូនថា​ ក្នុងឱកាសចុះពិនិត្យទីតាំងសាងសង់ផ្ទះនោះ​ កាកបាទក្រហមកម្ពុជា​ ក៏បានឧបត្ថម្ភជូនដល់ចាស់ៗដែលរស់នៅក្បែរខាងចំនួន​ ៣៤គ្រួសារ​ ដោយក្នុង​ ១គ្រួសារ​ ទទួលបាន​ អង្ករសុខភាព​ចំនួន​ ២កញ្ចប់ផងដែរ៕ ដោយ៖ គង់ ឌិន