វ៉េណេហ្ស៊ុយអេឡាកាលពីថ្ងៃចន្ទ បានព្រមានថា ខ្លួននឹងឆ្លើយតបតាមរបៀប «ធ្ងន់ធ្ងរទៅវិញទៅមក និងរឹងមាំ» ប្រសិនបើសហរដ្ឋអាមេរិក ចាប់ផ្តើមដាក់ទណ្ឌកម្មឡើងវិញ ឬអនុវត្តទណ្ឌកម្មប្រឆាំងនឹងប្រទេសអាមេរិកខាងត្បូងនេះ។

ប្រធានដ្ឋសភាលោក Jorge Rodriguez ដែលដឹកនាំគណៈប្រតិភូរដ្ឋាភិបាលផងដែរក្នុងការចរចាផ្សះផ្សាជាមួយគណបក្សប្រឆាំង បាននិយាយថា៖«យើងមានការយកចិត្តទុកដាក់យ៉ាងខ្លាំងចំពោះសកម្មភាពដែលពួកគេ (សហរដ្ឋអាមេរិក) ធ្វើនៅក្នុងប៉ុន្មានថ្ងៃខាងមុខ ដែលអាចចាត់ទុកថា ជាឈ្លានពានឆ្ពោះទៅរកសិទ្ធិដែលប្រទេសនេះ ត្រូវរស់នៅដោយសន្តិភាព វឌ្ឍនភាព និងមានវិធានការបង្ខិតបង្ខំជាឯកតោភាគីទាំងអស់។

លោក Rodriguez បានព្រមានក្រុងវ៉ាស៊ីនតោនប្រឆាំងនឹងការជ្រៀតជ្រែកចូលក្នុងកិច្ចការផ្ទៃក្នុងរបស់ប្រទេសនេះ។

លោក Rodriguez បាននិយាយថា៖«មកទល់ពេលនេះ ពួកគេ (សហរដ្ឋអាមេរិក) គួរតែដឹងថា ពួកយើងនឹងមិនទទួលយកសម្ពាធណាមួយ ឬការជ្រៀតជ្រែកណាមួយឡើយ»។

កាលពីថ្ងៃសៅរ៍ រដ្ឋាភិបាលសហរដ្ឋអាមេរិក បានប្រកាសអំពីសម្រេចចិត្ត ក្នុងការពិនិត្យឡើងវិញនូវគោលនយោបាយដាក់ទណ្ឌកម្មរបស់ខ្លួនប្រឆាំងនឹងប្រទេសអាមេរិកខាងត្បូងនេះ បន្ទាប់ពីអ្វីដែលខ្លួនហៅថា សេចក្តីសម្រេច «គួរឲ្យព្រួយបារម្ភ» ដោយតុលាការយុត្តិធម៌កំពូលរបស់ប្រទេសវ៉េណេហ្ស៊ុយអេឡា ក្នុងការផ្តល់សច្ចាប័នលើការដកសិទ្ធិបេក្ខជនប្រឆាំងសម្រាប់ការបោះឆ្នោតប្រធានាធិបតីឆ្នាំ ២០២៤ លោកស្រី ម៉ារៀ កូរីណា ម៉ាចាដូ (Maria Corina Machado)។