នាវាមុជទឹកស្វែងរក និងយន្តហោះព្រមានទុកមុន បានហោះឡើងនៅឯមូលដ្ឋានទ័ពអាកាស Pingtung ភាគខាងត្បូងកោះតៃវ៉ាន់ នៅថ្ងៃអង្គារ (ទី៣០ ខែមករា) នេះ ក្នុងការបង្ហាញពីការត្រៀមខ្លួនរបស់កងទ័ពអាកាសកោះតៃវ៉ាន់ នៅមុនថ្ងៃឈប់សម្រាកបុណ្យចូលឆ្នាំថ្មីខាងមុខនេះ។

សមយុទ្ធបង្ហាញ បានរួមបញ្ជូលការភា្ជប់មីស៊ីលបាញ់ពីអាកាសទៅដី Maverick ដែលផលិតដោយសហរដ្ឋអាមេរិកទៅនឹងស្លាប់យន្តហោះប្រមាញ់នាវាមុជទឹក P3 ហើយនិងការហោះឡើង និងការហោះពត់ពេនទាបដល់ដីហើយហោះឡើងរបស់យន្តហោះព្រមានទុកមុន E-2K Hawkeye ១គ្រឿង និងយន្តហោះដឹកទំនិញ C-130 ជាច្រើនគ្រឿង។

ប្រទេសចិនដែលចាត់ទុកកោះតៃវ៉ាន់ជាទឹកដីរបស់ខ្លួន ក្នុងរយៈពេល ៤ឆ្នាំកន្លងមកនេះ ជារឿយៗតែងបានបញ្ជូនយន្តហោះចម្បាំង និងនាវាចម្បាំងទៅកាន់ដែនអាកាស និងដែនទឹក ជុំវិញកោះនេះ ខណៈដែលខ្លួនព្យាយាមអះអាងអធិបតេយ្យភាពដែលរដ្ឋបាលក្រុងតៃប៉ិបដិសេធ។

កងទ័ពអាកាសរបស់កោះតៃវ៉ាន់ ដែលមានទំហំតូចជាងកងទ័ពអាកាសរបស់ចិន ប៉ុន្តែបំពាក់ដោយអាវុធមានកម្រិតល្អ ដោយភាគច្រើនជាយុទ្ធោបករណ៍របស់សហរដ្ឋអាមេរិកនោះ បានស្ថិតក្នុងការត្រៀមខ្លួននៅក្នុងការឆ្លើយតបទៅនឹងបេសកកម្មទាំងនេះ ហើយតែងតែបញ្ចេញយន្តហោះយ៉ាងប្រញាប់ប្រញាល់ ដើម្បីតាម និងព្រមានឲ្យដឹងពីយន្តហោះ និងនាវារបស់ចិន៕