ប្រធានគោលនយោបាយការបរទេសរបស់សហភាពអឺរ៉ុប លោក ចូសិប បូរ៉ែល (Josep Borrell) បាននិយាយកាលពីថ្ងៃពុធថា លោកសង្ឃឹមថា វាអាចត្រូវបានសម្រេច នៅពេលក្រោយ ដែលរដ្ឋសមាជិកអាចដឹកនាំបេសកកម្មរបស់សហភាពអឺរ៉ុប នាពេលខាងមុខ ដើម្បីការពារនាវានៅសមុទ្រក្រហម ដោយបន្ថែមថា ប្រតិបត្តិការនេះ អាចចាប់ផ្តើមមុនពាក់កណ្តាលខែកុម្ភៈ។

លោកបាននិយាយមុនពេលចាប់ផ្តើមកិច្ចប្រជុំរដ្ឋមន្ត្រីការពារជាតិសហភាពអឺរ៉ុបថា៖«យើងត្រូវសម្រេចចិត្តថាតើប្រទេសណា នឹងទទួលបទបញ្ជាការនេះ ទីស្នាក់ការកណ្តាល នឹងនៅទីណា និងអ្វីដែលជាយុទ្ធោបករណ៍របស់កងទ័ពជើងទឹក ដែលរដ្ឋជាសមាជិក នឹងផ្តល់ឲ្យ ដោយបន្ថែមថា លោកសង្ឃឹមថា ថ្ងៃនេះជាថ្ងៃដែលនឹងត្រូវសម្រេចថាតើនរណានឹងដឹកនាំ?

លោកបូរ៉ែល បាននិយាយថា៖ «មិនមែនរដ្ឋសមាជិកទាំងអស់ នឹងស្ម័គ្រចិត្តចូលរួមទេ ប៉ុន្តែគ្មាននរណាម្នាក់នឹងរារាំង (..) ខ្ញុំសង្ឃឹមថា នៅថ្ងៃទី ១៧ (កុម្ភៈ) បេសកកម្ម អាចត្រូវបានចាប់ផ្តើម។

លោកបានបន្ថែមថា ប្រតិបត្តិការនេះ នឹងត្រូវដាក់ឈ្មោះថា Aspires «ដែលមានន័យថា អ្នកការពារ»។