ក្រុមអាជ្ញាធរអ៊ុយក្រេន នៅថ្ងៃពុធនេះ បានផ្សព្វផ្សាយវីដេអូ និងរូបថត ជាអ្វីដែលគេនិយាយថា ជាលទ្ធផលបន្ទាប់ពីការវាយប្រហារ ដោយយានដ្រូនរបស់រុស្ស៊ីក្នុងក្រុងខាគីវមួយថ្ងៃមុន ដែលគេនិយាយថាបានធ្វើអោយមនុស្ស៣នាក់រងរបួស និងមានអគ្គិភ័យកើតឡើង។

យោងតាមចំណងជើងដែលត្រូវបានគេបង្ហោះអមជាមួយវីដេអូនៅលើFacebook ដោយសេវាគ្រាអាសន្នរបស់រដ្ឋអ៊ុយក្រែន បានអោយដឹងថា ដំបូលអគារលំនៅឋានឯកជនមួយ យានដ្ឋានជាច្រើន រថយន្ដពីរគ្រឿង ដំបូលផ្ទះកម្ពស់ពីរជាន់ និងបរិវេណអគាររដ្ឋបាលមួយ ត្រូវភ្លើងឆេះ។

អភិបាលក្រុងខាគីវ លោកអាយហ័រ តេរេកូវ(Iho Terekhov) បាននិយាយថា បង្អួចជាច្រើន បានផ្ទុះចេញពីប្លុកអាគារផ្ទះល្វែងខ្ពស់ចំនួនពីរ នៅក្នុងសង្កាត់ ស្លូប៊ីតស្គី(Slobidskyi) និងរថយន្ដជាច្រើនគ្រឿង ត្រូវបានបំផ្លាញ នៅក្នុងការវាយប្រហារកាលពីយប់ថ្ងៃអង្គារ។

អភិបាលតំបន់ខាគីវ លោកអូលេ ស៊ីញៀបូវ(Oleh Syniehubov) បាននិយាយថា មានការវាយប្រហារមួយចំនួន នៅសង្កាត់ក្នុងក្រុងពីរ ហើយហេដ្ឋារចនាសម្ព័នស៊ីវិល ក៏ត្រូវបានបំផ្លាញផងដែរ។

លោកបានសសេរនៅលើបណ្តាញតេឡេក្រាមថា យ៉ាងហោចណាស់យានដ្រូន៦គ្រឿង ត្រូវបានកម្ទេចនៅក្នុងតំបន់។