ឥណ្ឌូនេស៊ី៖ ក្រុមមន្ត្រីបាននិយាយថា ក្រុមអ្នកសង្គ្រោះបានស្វែងរកមនុស្ស ៧នាក់កាលពីថ្ងៃអង្គារដែលបានបាត់ខ្លួន បន្ទាប់ពីនាវាចម្លងមួយគ្រឿងបានលិចដោយមានមនុស្សជាង ៥០នាក់នៅលើនោះ នៅក្នុងសមុទ្រជិតរមណីយដ្ឋានកោះបាលីរបស់ប្រទេសឥណ្ឌូនេស៊ី ដែលបានសម្លាប់មនុស្សចំនួន ៦នាក់។
ក្រុមអាជ្ញាធរនិយាយថា នាវាចម្លងដែលមានឈ្មោះថា KMP Yunice បានលិចប្រហែលកន្លះម៉ោងបន្ទាប់ពីចេញដំណើរពីកំពង់ផែ Ketapang របស់កោះជ្វាខាងកើតប្រហែលកន្លះម៉ោង។ នាវានេះបានចេញដំណើរទៅកាន់កំពង់ផែ Gilimanuk របស់កោះបាលី ចម្ងាយ ៥០គីឡូម៉ែត្រ ដែលមានអ្នកដំណើរចំនួន ៤១នាក់ និងសមាជិកក្រុមនាវិក ១២នាក់។ ក្រុមមន្ត្រីបាននិយាយថា មនុស្ស ៤០នាក់ភាគច្រើនសន្លប់ បន្ទាប់ពីអណ្ដែតក្នុងទឹកដែលមានរលកធំៗ ៤ម៉ោងត្រូវបានជួយសង្គ្រោះ និងសាកសពចំនួន ៦នាក់ត្រូវបានស្រង់ចេញពីទឹក។ ក្រុមអ្នកសង្គ្រោះបានកំពុងប្រឹងប្រែងការងារសង្គ្រោះក្នុងទឹករលកកម្ពស់ ៤ម៉ែត្រទាំងយប់ងងឹតដើម្បីស្វែងរកមនុស្សបាត់ខ្លួនចំនួន ៩នាក់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
