បេក្ខជនប្រធានាធិបតី មកពីគណបក្សសាធារណរដ្ឋ លោកស្រី នីកគី ហាឡេ(Nikki Haley) កាល​ពី​ថ្ងៃព្រហស្បតិ៍ បានជំរុញអ្នកគាំទ្រនៅក្នុងរដ្ឋ South Carolina ជាស្រុកកំណើត​របស់​លោក​ស្រី ឱ្យបោះឆ្នោតឲ្យនៅក្នុងការបោះឆ្នោតបឋមនាពេលខាងមុខ។

ថ្លែងនៅក្នុង​ព្រឹត្តិការណ៍យុទ្ធនាការមួយ ក្នុងទីក្រុង កូឡំប៊ី(Columbia) លោកស្រី Haley បាន​និយាយ​ថា គូប្រជែងរបស់លោកស្រី គឺលោក Donald Trump ដែលប្រឈម​មុខ​ទៅ​នឹង​​បញ្ហា​ផ្លូវ​ច្បាប់​ច្រើន និងមិនអាចយកឈ្នះប្រធានាធិបតី លោក Joe Biden និងទទួលបាន​សេតវិមាន​មក​វិ​ញ​នោះ​ទេ។

លោកស្រី Haley បាននិយាយថា តើយើងពិតជាចង់​ឆ្ពោះ​ទៅ​មុខ​ជាមួយ​នឹង​ប្រទេស​ដែល​មាន​ភាព​ច្របូក​ច្របល់ នៅក្នុងពិភពលោកដែលកំពុងរំជើបរំជួលជាមួយបេក្ខជនពីររូបក្នុងវ័យ ៨០ ឆ្នាំ​របស់​ពួកគេ ដែរឬទេ? យើងត្រូវការនរណាម្នាក់ ដែលអាចឆ្លង​កាត់​រយៈពេល​ប្រាំបី​ឆ្នាំ​យ៉ាង​លំបាក ហើយត្រូវប្រាកដថាយើងទទួលបានអ្វីៗត្រឡប់មកវិញ។

ការតស៊ូ សម្រាប់ការ​សង្គ្រោះម​ក​វិញ​ក្នុង​ការ​ប្រកួត​ប្រជែង​តំណែង​ប្រធានា​ធិបតី​របស់​គណបក្ស​សាធារណ​រដ្ឋ អតីតអភិបាលរដ្ឋ South Carolina កំពុងដាក់គូប្រជែងលោក Donald Trump និង​ប្រធានាធិបតីគណបក្សប្រជាធិបតេយ្យ លោក Joe Biden ថាជា «បុរសវ័យចំណាស់ខ្លាំង» ដែល​លែងមានភាពសកម្មនៅក្នុងកិច្ចខិតខំប្រឹងប្រែងជាយុទ្ធសាស្រ្តថ្មី។

ការស្ទង់​មតិថ្មីរបស់សាកលវិទ្យាល័យ Washington Post-Monmouth បង្ហាញថា លោក Trump នាំ​មុខលោកស្រី Haley ៥៨ភាគរយ ទល់នឹង ៣២ភាគរយ ក្នុង​ចំណោម​អ្នក​បោះឆ្នោត​បឋម​របស់​គណបក្សសាធារណរដ្ឋដ៏មានសក្តានុពលនៅរដ្ឋ South Carolina៕