លោកប្រធានាធិបតីឥណ្ឌូនេស៊ី Joko Widodo កំពុងប្រឈមការរិះគន់ជាសាធារណៈ ជុំវិញ​ការ​ជ្រៀត​ជ្រែក​ផ្នែកនយោបាយរបស់លោក និងកង្វះអព្យាក្រឹតភាព នៅពេលលោកធ្វើ​យុទ្ធនាការ​សម្រាប់​បេក្ខជន​ឈានមុខគេនៅក្នុងការបោះឆ្នោតប្រធានាធិបតីនៅក្នុងខែនេះ។  

ស្របពេលលោក Jokowiដែលត្រូវបានគេស្គាល់ថាជាប្រធានាធិបតី លោកពុំបាន​គាំទ្រ​យ៉ាង​ច្បាស់​លាស់​ណាមួយក្នុងចំណោមបេក្ខភាពទាំងបីនៅក្នុងការបោះឆ្នោតថ្ងៃទី ១៤ ខែកុម្ភៈនោះទេ ដោយ​រូបលោកបានបង្ហាញខ្លួនជាសាធារណៈយ៉ាងពេញមុខជាមួយនឹងលោកប្រាបូវ៉ូ ស៊ូបៀន​(Prabowo Subiant) ដែលឈរឈ្មោះជាមួយកូនប្រុសរបស់មេដឹកនាំរូបនេះ ជាបេក្ខជន​អនុ​ប្រធានា​ធិបតី​របស់លោកប្រាបូវ៉ូ។    

នៅក្នុង​ប្រទេសឥណ្ឌូនេស៊ី ប្រធានាធិបតីចាំផ្ទះត្រូវបានអនុញ្ញាតឱ្យធ្វើយុទ្ធនាការសម្រាប់បេក្ខជន ប្រសិន​បើ​ពួកគេមិនប្រើប្រាស់ធនធានរដ្ឋ និងលាលែតំណែងដើម្បីធ្វើសកម្មភាពបក្សបែបនេះ ប៉ុន្តែ​អ្នក​កាន់តំណែងក្នុងអាណត្តិនៅឡើយជាធម្មតានៅតែមានអព្យាក្រឹតភាព។

យ៉ាង​ណា​ក៏ដោយចាប់តាំងពីខែតុលាមក ពេលតុលាការ​កំពូល​មួយ​បាន​កែប្រែ​ច្បាប់សិទ្ធិ​ក្នុង​ការ​អនុញ្ញាត​ឱ្យ​កូនប្រុសវ័យ៣៦ឆ្នាំ របស់លោក Jokowi ចូលរួមជាមួយរដ្ឋមន្ត្រីការពារជាតិ លោក​ប្រាបូវ៉ូ លោកប្រធានាធិបតីរូបនេះ បានប្រឈម​ការ​ចោទ​ប្រកាន់​កាន់​តែ​ខ្លាំង​ឡើង​អំពី​ការ​រំលោភ​បំពាន​ក្រម​សីលធម៌ និងផ្លូវច្បាប់។

ការខឹង​សម្បារបានជំរុញឱ្យលោក Jokowi បញ្ជាក់ជំហររបស់លោកជាថ្មីទៀត ហើយ​ថែម​ទាំង​បង្ហាញ​ច្បាប់​បោះឆ្នោត​ថតចម្លង​ដែល​ត្រូវ​បាន​លុប​ឈ្មោះ​របស់​លោក​ដល់​ក្រុម​អ្នក​សារព័ត៌មាន​ទៀតផង​៕