លោកនាយករដ្ឋមន្ត្រី នីកូល ប៉ាស៊ីនយ៉ាន (Nikol Pashinyan) បាននិយាយថា ប្រទេសអាមេនី មិនអាចពឹងផ្អែកលើរុស្ស៊ីជាដៃគូការពារជាតិ និងយោធាដ៏សំខាន់របស់ខ្លួនបានទៀតទេ ដោយសារទីក្រុងមូស្គូបានធ្វើឲ្យខ្លួនអស់សង្ឃឹមម្តងហើយម្តងទៀត ដូច្នេះហើយទីក្រុងយ៉េរ៉េវ៉ាន់ (Yerevan) ត្រូវតែគិតអំពីការពង្រឹងទំនាក់ទំនងជិតស្និទ្ធជាមួយសហរដ្ឋអាមេរិក និងបារាំងវិញ។

ប្រទេសអាមេនី ដែលជាអតីតសាធារណរដ្ឋសូវៀតដ៏តូចមួយដែលមានព្រំប្រទល់ជាប់នឹងហ្ស៊កហ្ស៊ី អាស៊ែរបៃហ្សង់ អ៊ីរ៉ង់ និងទួរគី បានពឹងផ្អែកលើរុស្ស៊ីជាសម្ព័ន្ធមិត្តមហាអំណាច ទោះបីជាលោកប៉ាស៊ីនយ៉ាន បានធ្វើឲ្យវិមានក្រឹមឡាំងខឹងសម្បា ដោយការចោទសួរពីមូលដ្ឋានគ្រឹះនៃសម្ព័ន្ធភាពក៏ដោយ។

លោកប៉ាស៊ីនយ៉ាន បានប្រាប់វិទ្យុ Armenian Public Radio នៅពេលសួរអំពីកំណែទម្រង់កងកម្លាំងប្រដាប់អាវុធរបស់ប្រទេសអាមេនីថា៖«យើងចាំបាត់ត្រូវយល់ថា អ្នកណាដែលយើងពិតជាអាចរក្សាទំនាក់ទំនងបច្ចេកទេស-យោធានិងការពារជាតិជាមួយបាន?»។

លោកបានបន្តថា៖«កាលពីមុន បញ្ហានេះមានលក្ខណៈសាមញ្ញ ពីព្រោះមិនមានសំណួរបែបនេះ ហើយមិនមានការលំបាកក្នុងការបង្កើតគំនិតទេ។ ពីមុន ៩៥-៩៧ភាគរយនៃទំនាក់ទំនងការពារជាតិរបស់យើងគឺជាមួយសហព័ន្ធរុស្ស៊ី។ ឥឡូវនេះ វាមិនអាចសម្រាប់ហេតុលផលសត្យានុម័ត និងអត្តនោម័តទេ»។

លោកនាយករដ្ឋមន្ត្រីរូបនេះ បានបញ្ជាក់ថា ប្រទេសអាមេនី គួរតែគិតអំពីអ្វីដែលទំនាក់ទំនងសន្តិសុខដែលខ្លួនគួរតែកសាងជាមួយសហរដ្ឋអាមេរិក បារាំង ឥណ្ឌា និងហ្ស៊កហ្ស៊ី។