បសុសត្វប្រមាណជា១៦.០០០ក្បាល នៅតែស្ថិតនៅលើនាវានាំចេញមួយគ្រឿង នៅឯកំពង់ផែអូស្រ្ដាលីមួយ នៅថ្ងៃសុក្រនេះ បន្ទាប់ពីបានធ្វើដំណើរទៅប្រទេសអ៊ីស្រាអែល បានត្រឹមតែ៤សប្ដាហ៍ ហើយ

បានបោះបង់ចោលការធ្វើដំណើរឆ្លងកាត់សមុទ្រក្រហម ដោយសារតែរដ្ឋាភិបាលអូស្រ្ដាលីបានបញ្ជាឲ្យត្រឡប់មកស្រុកវិញ។

នាវាឈ្មោះ អឹមវី បាហ៊ីចាស់(MV Bahijah) ដែលមានដោតទង់ជាតិ ប្រទេសកោះម៉ាសសល (Marshall Island) បានបោះបង់ការធ្វើដំណើរវរបស់ខ្លួនដោយសារតែមានការគំរាមវាយប្រហារលើនាវាដឹកទំនិញនៅសមុទ្រក្រហមពីក្រុមជីវពលហ៊ូធី ដែលបានរំខានដល់ពាណិជ្ជកម្មសកល។

ច្បាប់សន្ដិសុខជីវសាស្រ្ដដែលមានន័យថា សត្វដូចជាសត្វចៀមប្រមាណជា១៤.០០០ក្បាល និងគោចំនួន២.០០០ក្បាល មិនអាចយកចេញដោយមិនត្រូវបានគេធ្វើចត្ដាឡីស័កឡើយ។

ក្រុមមន្រ្ដីនិយាយថា បសុសត្វទាំងនេះនៅមានសុខភាពល្អនៅឡើយ ប៉ុន្ដែអ្ននយោបាយខ្លះ និងសកម្មជនសិទ្ធិសត្វ អះអាងថា ស្ថានភាពសត្វទាំងនេះ គឺជាការធ្វើបាបយ៉ាងព្រៃផ្សៃ និបានអំពាវនាវឲ្យរដ្ឋាភិបាល ក្រុងកង់បេរ៉ា(Canberra) ចាត់វិធាការដាក់បម្រាមលើការនាំចេញសត្វចៀមរស់ទាំងនោះ៕