កម្លាំងសរុបនៃកងកម្លាំងកាន់កាប់របស់រុស្ស៊ីនៅច្រាំងខាងឆ្វេង (ខាងកើត)នៃទន្លេ Dnipro ក្នុងតំបន់ឃើសុន (Kherson) និងហ្សាប៉ូរីហ្សា ( Zaporizhzhia) ត្រូវបានគេប៉ាន់ស្មានថា មានទាហានជាង ៧០.០០០នាក់។

ទាំងបរិមាណ និងសមត្ថភាពនៃកងកម្លាំងរុស្ស៊ីនៅក្នុងទឹកដីដែលកាន់កាប់ក្បែរនោះ គឺស្ថិតក្នុងសភាពធូរ រលុង។ ប្រតិបត្តិការវាយលុកដែលមិនបានជោគជ័យ កំពុងធ្វើឲ្យប្រជាជនរុស្ស៊ីខាតបង់រហូតដល់៧០ភាគនៃទាហានទាំងអស់ នៅក្នុងក្រុមវាយប្រហារណាមួយ។ ដូច្នេះ អង្គភាពទាំងអស់ ត្រូវបង្ខំឲ្យហ្វឺកហ្វឺនជានិច្ច ហើយផ្លាស់ប្តូរតាមខ្សែត្រៀមជួរមុខផ្សេងៗ។ បច្ចុប្បន្ននេះ កម្លាំងសត្រូវទាំងមូលនៅលើច្រាំងខាងឆ្វេង នោះ ត្រូវបានប៉ាន់ប្រមាណថា មានទាហានជាង ៧០.000នាក់ និងគ្រឿងសព្វាវុធ និងឧបករណ៍រាប់រយគ្រឿង។

ប៉ុន្តែមិនមែនទាំងអស់នៃពួកគេ ត្រូវបានប្រមូលផ្តុំនៅតាម ខ្សែត្រៀមជួរមុខទេ ខ្លះស្ថិតនៅក្នុងតំបន់ខាងក្រោយដ៏ជ្រៅ ដែលត្រូវការធនធានបន្ថែម»។

ទាក់ទងនឹងស្ថានភាពនៅច្រាំងខាងឆ្វេងនៃទន្លេDniproនេះ លោក Natalia Humeniuk ប្រធានមជ្ឈមណ្ឌលសារព័ត៌មានរួមនៃកងកម្លាំងការពារភាគខាងត្បូងអ៊ុយក្រែន បានកត់សម្គាល់ថា វាពិតជាស្មុគស្មាញណាស់ ជាពិសេសដោយសារការវាយលុកឥតឈប់ឈររបស់រុស្ស៊ី កំពុងបង្ហាញពីភាពថមថយ។