អុីស្រាអែល ៖ កងកម្លាំងអ៊ីស្រាអែល បានបាញ់ផ្លោងនៅជាយក្រុងនៅទីតាំងទីជម្រកចុងក្រោយ នៅចែងភាគខាងត្បូង តំបន់ហ្កាហ្សាកាលពីថ្ងៃសុក្រ ជាកន្លែងដែលប្រជាជនភៀសខ្លួនរាប់ម៉ឺននាក់ បានឈរប្រឆាំងនៅជាប់របងព្រំដែន ដោយភ័យខ្លាចការវាយលុកថ្មី ដោយគ្មានកន្លែងណាត្រូវរត់ភៀសខ្លួនឡើយ។ ជាងពាក់កណ្តាលនៃពលរដ្ឋ ២,៣លាននាក់ នៅតំបន់ហ្កាហ្សា បច្ចុប្បន្ននេះ គ្មានលំនៅឋានរស់នៅ និងសម្រុកចូលទៅក្នុងតំបន់រ៉ាហ្វា(Rafah)។ មនុស្សរាប់ម៉ឺននាក់ផ្សេងទៀត បានមកដល់ក្នុងរយៈពេលប៉ុន្មានថ្ងៃថ្មីៗនេះ ដោយមានកាន់របស់របរនៅក្នុងដៃរបស់ពួកគេ និងដឹកកូនៗនៅលើរទេះ ចាប់តាំងពីកងកម្លាំងអ៊ីស្រាអែល កាលពីសប្តាហ៍មុនបានបើកការវាយលុកទ្រង់ទ្រាយធំបំផុតមួយក្នុងសង្រ្គាម ដើម្បីដណ្តើមយកទីក្រុង Khan Younis ជាទីក្រុងធំនៅភាគខាងត្បូង។ លោក Emad អាយុ ៥៥ ឆ្នាំ ជាអាជីវករ និងជាឪពុកមានកូន៦នាក់ បាននិយាយនៅលើកម្មវិធីជជែកតាមទូរសព្ទដៃថា ប្រសិនបើរថក្រោះអ៊ីស្រាអែល បន្តមក យើងនឹងនៅសល់ជម្រើសពីរគឺ ស្នាក់នៅ និងស្លាប់ ឬឡើងជញ្ជាំង ចូលទៅក្នុងប្រទេសអេហ្ស៊ីប។ ប្រជាជនភាគច្រើននៅតំបនហ្កាហ្សា កំពុងស្ថិតនៅក្នុងតំបន់រ៉ាហ្វា(Rafah)។ ប្រសិនបើរថក្រោះ សម្រុកចូលមក វានឹងក្លាយជាការសម្លាប់រង្គាលដែលមិនធ្លាប់មានពីមុនមកក្នុងអំឡុងសង្គ្រាមនេះ។ រដ្ឋមន្ត្រីការពារជាតិអ៊ីស្រាអែល លោក យ៉ាវ ហ្គាឡេន(Yoav Gallant) បាននិយាយថា បច្ចុប្បន្ននេះ កងទ័ព នឹង កំចាត់សមាសភាពក្រុមភេរវករ នៅក្នុងតំបន់ Rafah ជាតំបន់មួយក្នុងចំណោមតំបន់មួយចំនួន ដែលពុំទាន់ត្រូវបានវាយប្រហា រយៈពេលជិត ៤ ខែមកនេះ។ ជាផ្នែកតែមួយគត់នៃតំបនន់ហ្កាហ្សា ដែលមានលទ្ធភាពទទួលបានអាហារកំណត់ និងជំនួយផ្នែកវេជ្ជសាស្រ្ដ ដែលកំពុងធ្វើដំណើរឆ្លងកាត់ព្រំដែនតំបន់ Rafah និងតំបន់នៅជិតៗទីក្រុង Khan Younis បានក្លាយជាទីជម្រកតង់បណ្តោះអាសន្ន នៅក្នុងរដូវរងា។ ខ្យល់ និងភាពត្រជាក់ បានបន្ថែមទៅលើទុក្ខលំបាក ដោយបានបក់បោកមកលើតង់ ឬមានទឹកជន់លិច ។