កសិករម៉ាល់ត៍ បានបើកត្រាក់ទ័រ និងរថយន្តធុនធ្ងន់របស់ពួកគេទៅកាន់ទីក្រុងហ្វ្លរៀណា ( Floriana) កាលពីថ្ងៃសុក្រ (ថ្ងៃទី ២ ខែកុម្ភៈ) ដែលជាផ្នែកមួយនៃការតវ៉ាដ៏រីករាលដាលប្រឆាំងនឹងគោលនយោបាយកសិកម្ម ដែលត្រូវបានអនុម័តដោយសហភាពអឺរ៉ុប។

កសិករម៉ាល់ត៍ដែលដឹកនាំដោយអង្គការកសិករសកម្ម បានធ្វើការតវ៉ាម្តងហើយម្តងទៀត នៅផ្នែកផ្សេងទៀតនៃទ្វីបអឺរ៉ុប ដោយកសិករស្នើសុំឲ្យរដ្ឋាភិបាល និងស្ថាប័នអឺរ៉ុបជួយពួកគេទប់ទល់នឹងតម្លៃថាមពលខ្ពស់ និងផលប៉ះពាល់នៃការប្រែប្រួលអាកាសធាតុ។

ការខកចិត្ត បានកើតឡើងនៅទីក្រុងប្រ៊ុចសែលក្នុងសប្តាហ៍នេះ ជាកន្លែងដែលកសិករគប់ស៊ុត និងដុំថ្មទៅលើសភាអឺរ៉ុប ហើយបានបាញ់កាំជ្រួច ខណៈដែលពួកគេទាមទារឲ្យមេដឹកនាំសហភាពអឺរ៉ុប នៅឯកិច្ចប្រជុំកំពូល មួយនៅក្បែរនោះ ធ្វើបន្ថែមទៀត ដើម្បីជួយដល់ពួកគេ។