ចិន ៖ ប្រទេសចិននៅថ្ងៃសៅរ៍នេះ បានបញ្ជូនផ្កាយរណបមួយក្រុមមានចំនួន១១គ្រឿងទៅកាន់ទីអវកាសដែលបាញ់ចេញមជ្ឈមណ្ឌលបាញ់បង្ហោះផ្កាយរណបស៊ីឆាង (Xichang) ក្នុងខេត្តស៊ីឈន់ ( Sichuan) ភាគនិរតីនៃប្រទេសចិន។

ដោយត្រូវបានបញ្ជូនដោយរ៉ុក្កែត Long March-2C ផ្កាយរណប Geely-02 ចំនួន ១១គ្រឿង បានហោះចេញពីកន្លែងបាញ់បង្ហោះ នៅម៉ោង ០៧:៣៧នាទី (ម៉ោងនៅទីក្រុងប៉េកាំង) ហើយបានចូលទៅក្នុងគន្លងដែលបានកំណត់ទុកជាមុន។

នេះគឺជាបេសកកម្មហោះហើរលើកទី ៥០៨របស់សុំណុំប្រព័ន្ធរ៉ុក្កែត Long March។

គ្រប់គ្រងដោយក្រុមហ៊ុន GeeSpace ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Geely Technology Group ផ្កាយរណបនេះ គឺជាការបញ្ជូនទីពីររបស់ក្រុមហ៊ុន ដើម្បីសាងសង់ក្រុមតារានិករ ដែលបានគ្រោងទុករបស់ខ្លួន គឺគម្រោង Geely Future Mobility Constellation។ វាគឺជាក្រុមតារានិកររួមបញ្ចូលគ្នាលក្ខណៈពាណិជ្ជកម្មដំបូងគេរបស់ពិភពលោកសម្រាប់ការទំនាក់ទំនង ការរុករក និងការចាប់សញ្ញាពីចម្ងាយ។

យោងតាមផែនការរបស់ក្រុមតារានិករ នឹងមានផ្កាយរណបចំនួន ២៤០ ដោយក្នុងដំណាក់កាលទី១ នៃផ្កាយរណបចំនួន ៧២ ត្រូវបានគេរំពឹងថា នឹងត្រូវបានដាក់នៅក្នុងគន្លងនៅឆ្នាំ ២០២៥។ ដំណាក់កាល២ នឹងមានផ្កាយរណបចំនួន ១៦៨។