រោមភ្នែកក្លែងក្លាយ និងសក់ពាក់ ដែលមានតម្លៃជាង ១៦៥ លានដុល្លារត្រូវបាននាំចេញពីកូរ៉េខាងជើង ហើយបន្ទាប់មកបានលក់ទៅលោកខាងលិច ដោយដាក់ស្លាកថា «ផលិតនៅប្រទេសចិន» កាលពីឆ្នាំមុន។

រោមភ្នែកក្លែងក្លាយ ត្រូវបានគេស្គាល់ជាទូទៅថាជា «រោមភ្នែកពាក់» និងសក់ក្លែងក្លាយ បង្កើតបាន ៦០ភាគរយ នៃការនាំចេញដែលបានប្រកាសរបស់ប្រទេសកូរ៉េខាងជើង ទៅកាន់ប្រទេសចិន ក្នុងឆ្នាំ២០២៣ ដោយនាំយកសាច់ប្រាក់បរទេសចំនួន ១៦៧ លានដុល្លារចូលទៅក្នុងប្រទេសផ្ដាច់ខ្លួនមួយនេះ។

ការស៊ើបអង្កេតរបស់សារព័ត៌មានរ៉យទ័រ បានរកឃើញថា ប្រទេសនេះបាននាំចេញរោមភ្នែកក្លែងក្លាយច្រើនជាង ១.៦០០ តោន។ ការរកឃើញនេះបានធ្វើឱ្យលោកខាងលិច ដែលដាក់ទណ្ឌកម្មយ៉ាងធ្ងន់ធ្ងរប្រឆាំងនឹងប្រទេសកូរ៉េខាងជើង ដោយសារតែកម្មវិធីនុយក្លេអ៊ែររបស់ខ្លួន បានដាក់ឱ្យមានការហាមឃាត់លើការជួញដូរធ្យូងថ្ម វាយនភ័ណ្ឌ និងប្រេង ក្នុងចំណោមវត្ថុផ្សេងៗទៀត។

យោងតាមមេធាវីនៃការដាក់ទណ្ឌកម្ម លោក ស៊ីន តុងឆាន (Shin Tong-chan) និងក្រុមអ្នកជំនាញពាណិជ្ជកម្មអន្តរជាតិផ្សេងទៀតបានឲ្យដឹងថា ការជួញដូររោមភ្នែកក្លែងក្លាយ និងសក់ពាក់ របស់កូរ៉េខាងជើងនេះត្រូវបានគេសន្មតថាអាចរកចំណូលបានរាប់លានដុល្លាររៀងរាល់ខែសម្រាប់របបរបស់លោក គីម ជុងអ៊ុន បើទោះបីជាចំនួនសរុបពិតប្រាកដមិនត្រូវបានដឹងក៏ដោយ៕