ក្នុងចំណោមបញ្ហាផ្សេងៗ ដែលមានដូចជាបំណុល ការនាំចូលតម្លៃថោក សម្ពាធលើតម្លៃជាដើម ទាំងអស់នេះគ្រាន់តែជាការរៀបរាប់ពីភាពអយុត្តិធម៌មួយចំនួននៅក្នុងបញ្ជីរបស់កសិករអឺរ៉ុបប៉ុណ្ណោះ។

ប្រទេសនៅទូទាំងទ្វីបអឺរ៉ុប ដែលមានហូឡង់ បែលហ្ស៊ិក ក្រិក ប៉ូឡូញ រួមជាមួយនឹងប្រទេសផ្សេងទៀត សុទ្ធតែមានចំណុចដែលបានរៀបរាប់មកដូចគ្នាទាំងអស់។ កសិកររបស់ប្រទេសទាំងនេះមិនសប្បាយចិត្តនឹងស្ថានភាពរបស់ពួកគេនោះឡើយ។ ចលនាតវ៉ាដែលបង្កឡើងដោយក្តីបារម្ភអំពីប្រាក់ឈ្នួលទាប បទប្បញ្ញត្តិធ្ងន់ធ្ងរ និងការនាំចូលតម្លៃថោក បានជំរុញឲ្យកសិករពីប្រទេសអេស្ប៉ាញ អ៊ីតាលី អាល្លឺម៉ង់ រូម៉ានី និងក្រិក អំពាវនាវឲ្យចាត់វិធានការ។

ក្នុងការតវ៉ានេះ គេឃើញថា ខ្សែត្រាក់ទ័របានធ្វើចលនាយ៉ាងគ្រោះថ្នាក់ឆ្លងកាត់ផ្លូវលំនៅឋាន ក្នុងប្រទេសប៉ូឡូញ និងឆ្លងកាត់ស្ពានអាល្លឺម៉ង់ ខណៈដែលក្រុមអ្នកតវ៉ាកសិកម្ម នៅក្នុងប្រទេសអ៊ីតាលី បានដុតភ្លើងនាពេលរាត្រីដោយរូបចម្លាក់ថ្ម។ នៅព្រំដែនហូឡង់-បែលហ្ស៊ិក និងនៅតាមផ្លូវក្នុងប្រទេសក្រិក កសិករបានបិទផ្លូវនានា។ នៅប៉ូឡូញ ផែនការត្រូវបានបែកចេញទៅជាបិទច្រកព្រំដែនជាមួយអ៊ុយក្រែន ខណៈដែលការតវ៉ារបស់អឺរ៉ុប ជុំវិញការចំណាយ និងការិយាធិបតេយ្យរីករាលដាលកាន់តែធំទៅៗ។

តែទោះជាយ៉ាងណាក្ដី កសិករបារាំងឯណោះវិញ បានរើការបិទផ្លូវរបស់ពួកគេជាបណ្ដើរៗ ជុំវិញទីក្រុងប៉ារីស និងកន្លែងផ្សេងទៀត ក្នុងប្រទេស កាលពីថ្ងៃសុក្រ (ទី២ ខែកុម្ភៈ) ពោលគឺមួយថ្ងៃបន្ទាប់ពីរដ្ឋាភិបាលបានផ្តល់ប្រាក់ជាង ៤០០លានអឺរ៉ូ (៤៣១លានដុល្លារ) ដល់ពួកគេ ក្នុងវិធានការផ្សេងៗ ដើម្បីឆ្លើយតបនឹងការត្អូញត្អែររបស់ពួកគេ ចំពោះប្រាក់ចំណូលទាប បទប្បញ្ញត្តិធ្ងន់ធ្ងរ និងការប្រកួតប្រជែងមិនយុត្តិធម៌ពីបរទេស៕