ការកើនឡើងកម្រិតទឹកក្រោមដីដែលជោរជន់ពេញផ្លូវក្រុងស៊្លីតាន់(Zlitan)របស់ប្រទេសលីប៊ី បានបង្ខំឲ្យអ្នកស្រុកមួយចំនួនរើទៅនៅកន្លែងផ្សេង ស្របពេលដែលមានការព្រួយបារម្ភពីសំណឹក និងការដួល

រលំអគារ។

ទឹកបានជនលិចកសិដ្ឋាន និងផ្ទះ បានបង្កឲ្យមានស្នាមប្រេះលើជញ្ជាំង និងការស្រុតដីនៅតំបន់មួយចំនួន កំពុងធ្វើឲ្យអ្នកស្រុកភាគច្រើនដូចជាអ្នកស្រុកឈ្មោះ អាទីយ៉ា អាយវ៉ាន់ (Atiya Ajwan) ត្រូវចាកចេញពីផ្ទះសម្បែងរបស់ពួកគេ។

អាយវ៉ាន់បាននិយាយថា ដោយសារតែទឹកជំនន់ បានធ្វើអោយផ្ទះរបស់លោកត្រូវប្រេះ ហើយលោកត្រូវតែចាកចេញជាមួយនឹងកូនៗរបស់លោក។ លោកសង្ឃឹមថាបញ្ហានេះ នឹងបញ្ចប់ទៅដោយប្រសើរ ហើយការចាកចេញពីផ្ទះគឺមិនងាយស្រួលឡើយ។

លោកអាល់ ហាឌី សេមេឡា(Al-Hadi Shemela) ជាភូគព្ភវិទូបាននិយាយថា កម្រិតកើនឡើងនៃទឹកចេញពីក្រោមដី ត្រូវបានគេសង្កេតឃើញកាលពីប៉ុន្មានឆ្នាំថ្មីៗនេះ គឺដោយសារទឹកសំអុយ ទឹកភ្លៀង ក៏ដូចជាការលេចចេញពីបណ្ដាញផ្គត់ផ្គង់ទឹកដែលចាស់ទ្រុឌទ្រោមនិងខូចខាតផងដែរ។

លោកសេមេឡាបានបន្ថែមថា យើងមានចំនួនសរុបទឹក១៦លានម៉ែត្រត្រីគុណ ហើយគ្រាន់តែរយៈពេល១០ឆ្នាំប៉ុណ្ណោះ ចំនួននេះ នឹងឡើងដល់១៦០លានម៉ែតត្រីគុណ៕