អតីតប្រធានាធិបតីអាមេរិក លោក Donald Trump បាននិយាយថា លោកនឹងដំឡើងពន្ធលើសពី ៦០% លើទំនិញរបស់ប្រទេសចិន ប្រសិនបើលោកឈ្នះការបោះឆ្នោតខែវិច្ឆិកាឆ្នាំ២០២៤នេះ។ 

លោក Trump បាននិយាយនៅក្នុងកម្មវិធី "Sunday Morning Futures" របស់ទូរទស្សន៍ Fox News នៅត្រូវបានសម្ភាសន៍ដោយអ្នកសម្របសម្រួលកម្មវិធីព័ត៌មាន លោកស្រី ម៉ារៀបាទីរ៉ូម៉ូ(Maria Bartiromo ) យោងតាមរបាយការណ៍ចេញផ្សាយដោយសារព័ត៌មាន The Washington Post ថា ទេ លោកនឹងនិយាយថា ប្រហែលជានឹងមានចំនួនលើសពីនោះ។ សារព័ត៌មាន Washington Post បានរាយការណ៍ថាលោក Trump កំពុងពិចារណាដំឡើងពន្ធលើសពី៦០% លើការនាំចូលទំនិញរបស់ចិនចូលទៅក្នុងសហរដ្ឋអាមេរិក។ 

អតីតប្រធានាធិបតីរូបនេះ បានច្រានចោលការអះអាងថា លោកនឹងចាប់ផ្តើមសង្គ្រាមពាណិជ្ជកម្មមួយទៀត ប្រសិនបើលោកជាប់ឆ្នោតនៅឆ្នាំ ២០២៤ នេះ ។ 

លោក Trump បានប្រាប់លោកស្រីបាទីរ៉ូម៉ូ ក្នុងបទសម្ភាសន៍មួយដែលបានចាក់ផ្សាយកាលពីថ្ងៃអាទិត្យថា អ្នកធ្លាប់បានដឹងច្បាស់ហើយ លោកមិនសម្លឹងធ្វើឱ្យប៉ះពាល់ដល់ប្រទេសចិនទេ។ លោកចង់ចុះសម្រុងជាមួយប្រទេសចិន។ លោកគិតថាបើបែបនេះគឺល្អណាស់។ ប៉ុន្តែពួកគេពិតជាបានទាញយកផលប្រយោជន៍ពីប្រទេសរបស់យើង ។ 

នៅពេលត្រូវបានសុំការអត្ថាធិប្បាយ អ្នកតំណាងម្នាក់សម្រាប់យុទ្ធនាការរបស់លោកTrump បានចង្អុលទៅយុទ្ធនាការរបស់លោក Trump និងវេទិកាគោលនយោបាយស្តីពីពាណិជ្ជកម្ម។

រដ្ឋបាលលោកTrump ត្រូវបានគេស្គាល់ ចំពោះវិធីសាស្រ្តដ៏ម៉ឺងម៉ាត់ របស់ខ្លួនឆ្ពោះទៅរកទំនាក់ទំនងពាណិជ្ជកម្មជាមួយប្រទេសចិន។

គួររម្លឹកថា កាលពី២០១៨ លោក Trump បានដឹកនាំរដ្ឋបាលរបស់លោកឱ្យចាប់ផ្តើមដំឡើងពន្ធលើទំនិញជាច្រើនរបស់ចិន ដែលបានបណ្តាលឱ្យមានសង្រ្គាមពាណិជ្ជកម្មសងសឹកគ្នាទៅវិញទៅមក៕