លោកបាននិយាយកាលពីថ្ងៃចន្ទនៅក្នុងសុន្ទរកថាវីដេអូនៅពេលយប់ថា ទោះបីជាអ៊ុយក្រែនការពាររយៈពេលជិតពីរឆ្នាំនៃការវាយប្រហារទ្រង់ទ្រាយធំរបស់រុស្ស៊ីលើខ្លួនក៏ដោយ  ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី ( Volodymyr Zelensky) ចង់ពង្រីកសេដ្ឋកិច្ចរបស់ប្រទេសលោកឲ្យល្អប្រសើរឡើង។ 

លោកហ្សេឡិនស្គី Zelensky បានថ្លែងថា ខ្លួនបានទៅទស្សនកិច្ចជាមួយអាជ្ញាធរក្នុងតំបន់ នៅក្នុងតំបន់ ឌ្នីប្រូ (Dnipro), ជឺកាស៊ី (Cherkasy) និង ក្រូពីនីតស្គី (Kropivnytskyi) ហើយបាននិយាយជាមួយពួកគេមិនត្រឹមតែអំពីបញ្ហាយោធាប៉ុណ្ណោះទេ ថែមទាំងអំពីសេដ្ឋកិច្ចផងដែរ។លោកបានបន្តថា៖«រដ្ឋត្រូវតែគាំទ្រដល់ការងើបឡើងវិញនៃផលិតកម្មអ៊ុយក្រែន។

លោកបានបញ្ជាក់ថា អាទិភាពចម្បងមួយ គឺផ្តល់ឲ្យសហគ្រិននូវឱកាសអតិបរមា ដើម្បីចូលរួមចំណែកដល់កំណើនសេដ្ឋកិច្ច និងការបង្កើតការងារ។

លោកហ្សេឡិនស្គី បាននិយាយថា៖«ក្នុងរយៈពេលមួយឆ្នាំកន្លងមកនេះ យើងបានដាក់មូលដ្ឋានគ្រឹះសម្រាប់ស្ថិរភាពសេដ្ឋកិច្ចរបស់អ៊ុយក្រែន» ដោយកត់សម្គាល់ថា ច្រករបៀងសមុទ្រសម្រាប់ការនាំចេញកំពុងដំណើរការ ហើយវិស័យថាមពល ត្រូវបានការពារប្រសើរជាងការវាយប្រហាររបស់រុស្ស៊ី។

ទីក្រុងគីវ ក៏បានឈានដល់កិច្ចព្រមព្រៀងជាមួយដៃគូបរទេសស្តីពីការគាំទ្ររយៈពេលវែងសម្រាប់អ៊ុយ  ក្រែន និងកម្មវិធីហិរញ្ញវត្ថុ។