ប្រព័ន្ធផ្សព្វផ្សាយចិនបានផ្តោតគោលដៅលើមីស៊ីលរយៈចម្ងាយឆ្ងាយថ្មីរបស់តៃវ៉ាន់។ មីស៊ីលនោះត្រូវបានគេរាយការណ៍ថាអាចវាយប្រហារបានយ៉ាងមានប្រសិទ្ធភាពចូលទៅក្នុងប្រទេសចិន ដែលគេបានប៉ាន់ប្រមាណថា រត់បានចម្ងាយ ៩៣០ម៉ាយល៍។

ប្រព័ន្ធផ្សព្វផ្សាយចិនបានរាយការណ៍ ដោយសំអាងដល់ការពិតដែលផ្អែកលើប្រភពពុំបានបញ្ជាក់ជាច្រើនថា កិច្ចខិតខំប្រឹងប្រែងរបស់ចិនក្នុងការក្រសោបយកកោះតៃវ៉ាន់នឹងមានភាពស្មុគស្មាញ ប្រសិនបើកោះតៃវ៉ាន់អាចវាយប្រហារលើដីគោករបស់ខ្លួន។មីស៊ីលរយៈចម្ងាយឆ្ងាយថ្មីរបស់កោះតៃវ៉ាន់ មានល្បឿនយឺត និងងាយស្រួលបាញ់ទម្លាក់។  

ប៉ុន្តែបង្ហាញថា ទីក្រុងប៉េកាំង កំពុងយកចិត្តទុកដាក់យ៉ាងខ្លាំងចំពោះការអភិវឌ្ឍន៍អាវុធទំនើបរបស់កោះតៃវ៉ាន់ ដែលអាចទប់ទល់ការឈ្លានពាន និងថែមទាំងវាយកម្ទេចទីបញ្ជា និងជើងទម្របាញ់មីស៊ីលនៅលើដីគោកមួយចំនួនបានទៀតផង។  

អត្ថបទនេះ ដែលបានចេញផ្សាយកាលពីចុងខែវិច្ឆិកា អំពីបច្ចេកវិទ្យាវិទ្យាសាស្ត្រឧស្សាហកម្មអាវុធយុទ្ធភ័ណ្ឌ បានផ្តោតលើកំណែថ្មីនៃមីស៊ីលតម្រង់គោលដៅវាយប្រហារលើដី ស៊ីង ហ្វឹង អាយលី ( Hsiung Feng IIE) ដែលមានលក្ខណៈដូចទៅនឹង មីស៊ីល តូម៉ាហាក(Tomahawk) របស់សហរដ្ឋអាមេរិកដែរ ។ មីស៊ីលប្រភេទថ្មីនេះអាចហោះបានរយៈចម្ងាយប្រមាណពី៦២០ ទៅ៩៣០ម៉ាយល៍ ដែលនឹងដាក់ពង្រាយនៅតាមឆ្នេរសមុទ្រចិន ក៏ដូចជាគោលដៅនានានៅក្នុងកោះនេះ។  

ទស្សនាវដ្ដីចិនបានរិះគន់មីស៊ីលនេះ ដោយសារតែ ទំហំធំ ល្បឿនលឿនជាងសំឡេង និងកង្វះបច្ចេកវិទ្យាបំបាំងកាយ ធ្វើឱ្យវាងាយនឹងរកឃើញ នេះបើយោងតាមសារព័ត៌មាន South China Morning Post ដែលបានចេញផ្សាយអត្ថបទដំបូង។  កោះតៃវ៉ាន់ ត្រូវបានគេដឹងថា មានមីស៊ីលអន្តរទ្វីបចំនួន៦ប្រភេទផ្សេងៗគ្នា រួមទាំងអាវុធវាយប្រហារលើដី និងប្រឆាំងនាវា នេះបើយោងតាមកម្មវិធី Missile Threat នៅមជ្ឈមណ្ឌលសិក្សាយុទ្ធសាស្ត្រ និងអន្តរជាតិ ក្នុងទីក្រុងវ៉ាស៊ីនតោន ឌីស៊ី៕