អ្នកនាំពាក្យក្រសួងកាបរទេសអ៊ីរ៉ង់ លោកណាស៊ើរ កាណាអានី (Nasser Kanaani) កាលពីថ្ងៃច័ន្ទ បានចោទសហរដ្ឋអាមេរិកថាកំពុងព្យាយាមបង្វែរការចាប់អារម្មណ៍ចេញពី តំបន់ហ៊ុមព័ទ្ធកាហ្សា ស្រ្ទីបរបស់

ប៉ាឡេស្ទីន ដោយរំលោភលើអធិបតេយ្យភាពរបស់ប្រទេសដទៃ។

នៅឯសន្និសីទសារព័ត៌មានក្នុងក្រុងតេអេរ៉ង់ជាពេលដែលលោកបានឆ្លើយនឹងសំណួរមួយដែលចាត់ទុកការវាយប្រហារថ្មីៗរបស់អាមេរិកលើគោលដៅនានាក្នុងប្រទេសអ៊ីរ៉ាក់ និងស៊ីរីនោះថា ជាការរំលោភលើអាធិបតេយ្យភាពប្រទេសដទៃ ដោយលោកកាណាអានី (Kanaani) បានថ្កោលទោសតួនាទីរបស់អាមេរិក នៅក្នុងតំបន់មជ្ឈិមបូព៌ាទៀតផង។

លោកបាននិយាយថា ដើមហេតុនៃវិបត្ដមជ្ឈិមបូព៌ាគឺកើតចេញពីជម្លោះអ៊ីស្រាអែល-ប៉ាឡេស្ទីន។ លោកកាណាអានី បានអោយដឹងថា ដោយសារមានការគាំទ្ររបស់អាមេរិក និងចក្រភពអង់គ្លេស អ៊ីស្រាអែល បានបន្ដសកម្មភាពសង្រ្គាមរបស់ខ្លួននៅក្នុងហ្កាស្រ្ទីប ហើយដំណោះស្រាយចំពោះវិបត្ដនេះ គឺត្រូវតែបញ្ចប់ជម្លោះក្នុងតំបន់ហ្កាហ្សាស្រ្ទីបជាបន្ទាន់។

លោកកាណាអានីថែមទាំងបាននិយាយថា សកម្មភាពរបស់អាមេរិក និងអង់គ្លេស គឺផ្ទុយនឹងគោលបំណងដែលបានអះអាងរបស់ពួកគេពីការរក្សាសន្ដិភាព ដោយបង្ហាញនូវកង្វះការយល់ដឹងពិតប្រាកដនៅ ក្នុងការធ្វើអោយវិបត្ដិក្នុងតំបន់ធូរស្រាលកវិញនោះ៕