ប្រធានាធិបតី សហរដ្ឋអាមេរិក លោក Joe Biden បានចោទប្រកាន់អតីតប្រធានាធិបតី លោក Donald Trump ពីការព្យាយាមរារាំងសមាជិកសភាពីការអនុម័តសេចក្តីស្នើច្បាប់ថវិកាបន្ទាន់ ដែលរួមមានជំនួយសម្រាប់ប្រទេសអ៊ុយក្រែន។ គណបក្សសាធារណរដ្ឋ បានច្រានចោលសេចក្តីស្នើច្បាប់នេះ។ គណបក្សនេះបាននិយាយថា ខ្លួននឹងអនុម័តសេចក្តីស្នើច្បាប់ លុះត្រាតែវិធានការនានាសំដៅដល់ការពង្រឹងការគ្រប់គ្រងនៅតាមព្រំដែនជាមួយប្រទេសម៉ិកស៊ិក ត្រូវបានបង្កើតឡើង។

ក្រុមសមាជិកព្រឹទ្ធសភាទ្វេបក្ស បានដាក់បញ្ចូលរួមគ្នានូវសេចក្តីស្នើច្បាប់ថ្មី ដែលនឹងអនុញ្ញាតឱ្យរដ្ឋបាលប្រធានាធិបតីបិទព្រំដែន ប្រសិនបើចំនួនជនអន្តោប្រវេសន៍ដែលទាមទារសិទ្ធិជ្រកកោន មិនអាចគ្រប់គ្រងបាន។ លោក Biden បាននិយាយកាលពីថ្ងៃអង្គារថា លោក Trump គិតថាវាជារឿងអាក្រក់សម្រាប់លោកក្នុងផ្នែកនយោបាយ ហើយពុំដឹងថាត្រូវជួយប្រទេសនេះដោយរបៀបណា។

លោក Trump គឺជាអ្នកឈានមុខគេក្នុងការក្លាយជាបេក្ខភាពរបស់គណបក្សសាធារណរដ្ឋ នៅក្នុងការបោះឆ្នោតប្រធានាធិបតី នៅខែ វិច្ឆិកា ខាងមុខ។ លោក បាននិងកំពុងព្យាយាមបំបាក់ទឹកចិត្តសមាជិកសភារបស់គណបក្ស មិនឲ្យបោះឆ្នោតលើសេចក្តីស្នើច្បាប់នេះ។ អតីតប្រធានាធិបតីរូបនេះ និយាយថាខ្លួនខ្វះលក្ខខណ្ឌគ្រប់គ្រងព្រំដែនឲ្យបានគ្រប់គ្រាន់ ដើម្បីរារាំងជនអន្តោប្រវេសន៍។

ប្រធានសភាគណបក្សសាធារណរដ្ឋ លោក Mike Johnson និយាយថា សេចក្តីស្នើច្បាប់នេះនឹង «ជាប់គាំងនៅពេលទៅដល់» ប្រសិនបើសេចក្តីស្នើច្បាប់នេះ ទៅដល់ព្រឹទ្ធសភា។