ទូរទស្សន៍រដ្ឋ បានរាយការណ៍ថា ការវាយប្រហារដោយមីស៊ីលរបស់អ៊ីស្រាអែល បានកំណត់គោលដៅលើតំបន់នានាក្នុងខេត្តហូម (Homs) កណ្តាលអធ្រាត្រថ្ងៃពុធ។

ក្រសួងការពារជាតិស៊ីរី បាននិយាយថា ការវាយប្រហារនេះ ត្រូវបានធ្វើឡើងនៅម៉ោងប្រហែល ១២: ៣០ ព្រឹក ម៉ោងក្នុងស្រុក នៅថ្ងៃពុធ (២១៣០ម៉ោងសកល) ពីក្រុងទ្រីប៉ូលីនៃប្រទេសលីបង់ភាគខាងជើង ដោយផ្តោតលើទីតាំងផ្សេងៗ នៅក្នុងទីក្រុងហូម និងតំបន់ជុំវិញនោះ។

ប្រព័ន្ធការពារដែនអាកាសស៊ីរី បានស្ទាក់ចាប់ និងបំផ្លាញមីស៊ីលជាច្រើនគ្រាប់ ខណៈដែលខ្លះទៀត បានធ្លាក់នៅតំបន់ជនបទ Al-Qusayr ដែលបណ្តាលឲ្យមានភ្លើងឆេះយ៉ាងសន្ធោសន្ធៅ នៅតំបន់នោះ។

ក្រុមឃ្លាំមើលសិទ្ធិមនុស្សស៊ីរី បាននិយាយថា គ្រាប់ផ្ទុះចំនួន៩គ្រាប់ ត្រូវបានឮ នៅក្នុងទីក្រុងហូម និងទីជនបទរបស់ខ្លួន ជាលទ្ធផលនៃការវាយប្រហារនេះ។

ប្រព័ន្ធផ្សព្វផ្សាយក្នុងស្រុកបាននិយាយថា មនុស្ស ៥នាក់ បានរងរបួស នៅពេលដែលអគារលំនៅដ្ឋានមួយ បានដួលរលំនៅលើផ្លូវ Al-Hamra ដែលបានបណ្តាលមកពីការវាយប្រហារ។