លោក អ៊ីរ៉ាក់លី កូបាកហ៊ីដ (Irakli Kobakhidze) បេក្ខជននាយករដ្ឋមន្ត្រីហ្ស៊កហ្ស៊ី បានរិះគន់ការឆ្លើយតបរបស់ស្ថានទូតអ៊ុយក្រែនចំពោះការចោទប្រកាន់ដែលធ្វើឡើងដោយសេវាកម្មពិសេសហ្ស៊កហ្ស៊ីទាក់ទងនឹង «ការស្ទាក់ចាប់គ្រឿងផ្ទុះដែលត្រូវបានដឹកជញ្ជូនពីអ៊ុយក្រែនសម្រាប់ការវាយប្រហារភេរវកម្ម នៅក្នុងប្រទេសរុស្ស៊ី»។

ការអំពាវនាវរបស់ស្ថានទូតអ៊ុយក្រែនឲ្យ«ចៀសវាងការធ្វើករណីនេះឲ្យក្លាយជារឿងនយោបាយ» មិនបានបំពេញចិត្តអតីតប្រធានសភាហ្ស៊កហ្ស៊ីទេ។

លោក កូបាកហ៊ីដ ជឿជាក់ថា ទីក្រុងគីវ នឹងមិនធ្វើសេចក្តីថ្លែងការណ៍បែបនេះទេ ប្រសិនបើខ្លួនមានឯកអគ្គរដ្ឋទូតប្រចាំនៅប្រទេសហ្ស៊កហ្ស៊ី។

នៅពេលដែលនរណាម្នាក់ ព្យាយាមធ្វើឲ្យហ្ស៊កហ្ស៊ីក្លាយជាកម្មវត្ថុនៃការឈ្លានពានរបស់រុស្ស៊ី នៅខាងក្រៅប្រទេសនេះ គឺជាព្រឹត្តិការណ៍ដ៏ធ្ងន់ធ្ងរមួយ ហើយវាជាបញ្ហាគួឲ្យការព្រួយបារម្ភខ្លាំងបំផុត។

នេះបញ្ជាក់ជាថ្មីម្តងទៀតនូវអ្វីដែលជាគោលការណ៍ មន្ត្រីជាន់ខ្ពស់របស់រដ្ឋាភិបាលអ៊ុយក្រែន បាននិយាយដោយបើកចំហថា ពួកគេចង់បាន ហើយប្រហែលជានៅតែចង់បាន ខ្សែត្រៀមជួរមុខទី២ នៅក្នុងប្រទេសរបស់យើង»។