ពលរដ្ឋអាស៊ែបៃហ្សង់ នៅថ្ងៃពុធ (ទី៧ ខែកុម្ភៈ) នេះ ធ្វើដំណើរទៅទម្លាក់សន្លឹកឆ្នោតក្នុងធុង នៅក្នុងការបោះឆ្នោតមុនអាណត្តិ ដើម្បីជ្រើសរើសប្រធានាធិបតី ដែលអ្នកកំពុងកាន់តំណែងបច្ចុប្បន្ន គឺលោក Ilham Aliyev ត្រូវបានរំពឹងថា នឹងទទួលបានជ័យជម្នះ។ លោក Aliyev ដែលទទួលបានការគាំទ្រយ៉ាងខ្លាំងក្លា ដោយសារការដណ្តើមបានមកវិញនូវដែនដីណាហ្គ័រណូ-ការ៉ាបាក់ (Nagorno-Karabakh) បានអំពាវនាវឲ្យមានការបោះឆ្នោតប្រធានាធិបតីមុនកាលកំណត់ នៅថ្ងៃទី៧ ខែកុម្ភៈនេះ។

លោក Aliyev វ័យ ៦១ឆ្នាំ បានជាប់ឆ្នោតឡើងវិញចុងក្រោយ ក្នុងឆ្នាំ២០១៨ សម្រាប់អាណត្តិរយៈពេល ៧ឆ្នាំ ជាមួយនឹងការប្រកាសពីការទទួលបានសំឡេងឆ្នោត ៨៦ភាគរយនៃការបោះឆ្នោត ដែលគណបក្សប្រឆាំងសំខាន់ៗ បានធ្វើពហិការ។

ដោយការជំទាស់ខាងនយោបាយត្រូវបានបង្ក្រាបដោយទូទៅ លោក Aliyev ស្ទើរតែប្រាកដណាស់ថា នឹងឈ្នះអាណត្តិថ្មីជាមេដឹកនាំប្រទេសដែលសម្បូរប្រេង នៅសមុទ្រកាសព្យែន ដែលត្រូវបានល្បួងដោយរុស្ស៊ី ទួរគី និងបស្ចិមលោក។ លោក Aliyev បានដឹកនាំប្រទេសអាស៊ែបៃហ្សង់ តាមរបៀបផ្តាច់ការ ចាប់តាំងពីឆ្នាំ២០២៣ នៅពេលដែលលោកបានស្នងតំណែងពីឪពុករបស់លោក គឺលោក Haydar

ដោយសារលទ្ធផលនៃការធ្វើប្រជាមតិរដ្ឋធម្មនុញ្ញ ក្នុងឆ្នាំ២០០៩ មិនមានដែនកំណត់លើចំនួនអាណត្តិដែលលោកអាចនឹងបំពេញតួនាទីនោះឡើយ៕