វីដេអូដេអូចេញពីសមាគមអឌ្ឍចន្ទក្រហមប៉ាឡេស្ទីន ដែលផ្សព្វផ្សាយកាលពីថ្ងៃអង្គារ បានបង្ហាញក្រុមការងារ កំពុងដឹកជញ្ជូននូវអ្វីដែលគេនិយាយថា គឺអ្នករបួស៨នាក់ ដោយគ្រាប់ផ្លោងធ្លាក់ត្រូវកណ្ដាលតំបន់ ហ្កាហ្សា។

អ្នកសារព័ត៌មានរ៉យទ័រមិនអាចផ្ទៀងផ្ទាត់ដោយឯករាជ្យទេពីវីដេអូនេះ។ ប៉ុន្ដែអ្នកនាំពាក្យសមាគមអឌ្ឍចន្ទក្រហមប៉ាឡេស្ទីនម្នាក់ បានប្រាប់អ្នកសារព័ត៌មានរ៉យទ័រថា វីដេអូនេះ ត្រូវបានថតកាលពីថ្ងៃអង្គារ នៅសង្កាត់ ដេ អាល់ បាឡាស់(Deir Al-Balah)។

អង្គកាអឌ្ឍចន្ទក្រហមក៏បានបញ្ចេញវីដេអូផងដែរដោយបង្ហាញស្រ្ដីម្នាក់នៅលើហ្វ្រង់កាមួយដែលគេនិយាយថា ត្រូវបានគេកំពុងជម្លៀសខ្លួនចេញពីមន្ទីពេទ្យ អាល់ អាម៉ាល់ (Al-Amal) ក្នុងក្រុងខាន

 យូនីស។

អ៊ីស្រាអែល បានចាប់ផ្ដើមប្រតិបត្តិការសឹករបស់ខ្លួនចូលក្នុងតំបន់ហ្កាហ្សា បន្ទាប់ពីពួកសកម្មប្រយុទ្ធចេញពីតំបន់ហ្កាហ្សាដែលគ្រប់គ្រងដោយក្រុមហាម៉ាស់ បានសម្លាប់មនុស្ស១.២០០នាក់ និងបានចាប់មនុស្សចំនួន២៥៣នាក់ ធ្វើជាចំណាប់ថ្នូរនៅភាគខាងត្បូងប្រទេសអ៊ីស្រាអែល កាលពីថ្ងៃទី៧តុលាឆ្នាំកន្លងទៅនេះ។

ដោយឡែក ក្រសួងសុខាភិបាលក្នុងតំបន់ហ្កាហ្សា បាននិយាយថា ជនជាតិប៉ាឡេស្ទីនយ៉ាងហោចណាស់ ២៧.៥៨៥នាក់ ត្រូវបានគេបញ្ជាក់ថា បានស្លាប់ នៅក្នុងយុទ្ធនាការរបស់អ៊ីស្រាអែលរួមជាមួយមនុស្សរាប់ពាន់នាក់ទៀត ត្រូវគេព្រួយបារម្ភថា អាចត្រូវបានកប់ក្រោមកម្ទេចអគារបាក់បែក៕