លោកប្រធានាធិបតីចិន Xi Jinping បានផ្ដល់គុណតម្លៃលើវប្បធម៌យ៉ាងខ្លាំងនិងបានបង្កើតការយល់ដឹងនៃវប្បធម៌ ដែលបានលើកតម្កើងរហូតមក ។ វប្បធម៌ដើរតួនាទីដ៏សំខាន់នៅក្នុងដួងព្រលឹងជាតិប្រកបដោយការច្នៃប្រឌិត ដែលឈានឆ្ពោះទៅការលើកស្ទួយអរិយធម៌ និងការអភិវឌ្ឍនសង្គម ក៏ដូចជាការអភិវឌ្ឍនមនុស្សប្រកបដោយធនធាន ។     

ជាពិធីបុណ្យប្រពៃណីចិនដ៏សំខាន់បំផុត ពិធីបុណ្យនិទាឃរដូវ ឬបុណ្យចូលឆ្នាំចិន ត្រូវបានលោកប្រធានាធិបតី Xi ចាត់ទុកថាមានសារៈសំខាន់ជាពិសេស។ ក្នុងឱកាសនេះ លោកបានចូលរួមអបអរសាទរ ទាំងមន្ត្រីរាជការ និងប្រជាពលរដ្ឋសាមញ្ញ ជូនពរសំណាងល្អ ដល់ពួកគេ។

សម្រាប់អ្នកមិនមែនជាជនជាតិចិន គ្មានអ្វីប្រសើរជាងជួយឲ្យពួកគេយល់ដឹងអំពីប្រជាជន និងវប្បធម៌របស់ប្រទេសចិនជាងការមើលរឿងនិយាយពីបុណ្យនិទាឃរដូវរបស់មនុស្សសាមញ្ញនោះទេ។ ក្នុងឱកាសពិសេសនៃឆ្នាំនេះ ប្រជាជនចិនធ្វើដំណើរទៅជួបជុំគ្រួសារ ប្រារព្ធពិធីក្នុងទម្រង់ផ្សេងៗ និងចែករំលែកអារម្មណ៍ស្អិតរមួតអំពីមាតុភូមិ និងប្រទេសរបស់ខ្លួន។   

 និមិត្តរូបដើរតួនាទីដ៏សំខាន់ក្នុងការជ្រើសរើសប្រភេទផ្កាតុបតែងគេហដ្ឋានដោយប្រើផ្ការីកដែលត្រូវគេជឿថានឹងនាំមកនូវការចម្រុងចម្រើន សំណាងល្អ និងសុភមង្គលក្នុងឆ្នាំថ្មី។     

ក្រមអ្នកជំនាញបាននិយាយថា ពិធីបុណ្យនិទាឃរដូវមានប្រវត្តិយូរលង់ណាស់មកហើយ មិនត្រឹមតែមានអត្ថន័យវប្បធម៌យ៉ាងជ្រាលជ្រៅប៉ុណ្ណោះទេ ថែមទាំងមានបេតិកភណ្ឌប្រវត្តិសាស្ត្រ និងវប្បធម៌ក្នុងអំឡុងពេលដំណើរការទំនើបកម្មរបស់ចិនផងដែរ។  

បុណ្យចូលឆ្នាំចិន គឺជាពេលវេលាដែលមនុស្សលាឆ្នាំចាស់ ទទួលឆ្នាំថ្មី និងជាពេលវេលាដែលនាំមកនូវមិត្តភាពដ៏ជ្រាលជ្រៅ និងចំណងមនោសញ្ចេតនា។ ការប្រារព្ធពិធីបុណ្យចូលឆ្នាំចិន និងទំនៀមទម្លាប់ផ្សេងៗកំពុងត្រូវបានប្រារព្ធឡើងនៅទូទាំងប្រទេសចិន ទាំងនៅក្នុងតំបន់ និងជុំវិញពិភពលោក។ 

សកម្មភាពទាំងនេះគឺសំខាន់ ណាស់ក្នុងការបណ្ដេញឧបទ្រុបចង្រៃឆ្នាំចាស់ ទទួលពរជ័យនិងការបួងសួងសុំឱ្យមានសំណាងល្អ និងសេចក្ដីសុខចម្រើនចូលផ្ទះ តាមរយៈពិធីសែនប្រេងនានា និងពិធីឡកម៉ុងសាយជាដើម។ ក្រុមអ្នកជំនាញបាននិយាយថា ថ្ងៃឈប់សម្រាកគឺសម្បូរបែប និងចម្រុះពណ៌ ហើយបង្កប់នូវខ្លឹមសារនៃវប្បធម៌ប្រពៃណីចិន៕