ប្រទេសស្វ៊ីស បាននិយាយថា ខ្លួនបានស្នើឲ្យចិនចូលរួមក្នុងសន្និសិទសន្តិភាពស្តីពីសង្រ្គាម នៅអ៊ុយក្រែន ដោយបង្កើនសម្ពាធលើទីក្រុងប៉េកាំងឲ្យដើរតួនាទី ក្នុងការបញ្ចប់ការប្រយុទ្ធគ្នាជិតពីរឆ្នាំ បន្ទាប់ពីជម្លោះបានចាប់ផ្តើម។

រដ្ឋមន្ត្រីការបរទេសស្វ៊ីស លោក អ៊ីហ្គណាហ្ស៊ីអូ កាសស៊ីស (Ignazio Cassis) បាននិយាយថា លោកបានធ្វើសំណើនៅក្នុងកិច្ចប្រជុំមួយកាលពីថ្ងៃពុធ ជាមួយរដ្ឋមន្ត្រីការបរទេសចិន លោក វ៉ាង យី (Wang Yi) ។ លោកកាសស៊ី បានបញ្ជាក់ថា លោក វ៉ាង «បានកត់សម្គាល់ការអញ្ជើញ» ហើយថា លោករំពឹងថានឹងមានចម្លើយក្នុងរយៈពេលពីរបីថ្ងៃទៀត។

លោកកាសស៊ីស បានថ្លែងនៅក្នុងសន្និសីទសារព័ត៌មាននៅទីក្រុងប៉េកាំងថា៖«ប្រទេសចិន កំពុងមានទំនាក់ទំនងយ៉ាងខ្លាំងជាមួយរុស្ស៊ី ប៉ុន្តែនៅតែមានឆន្ទៈក្នុងផ្នែករបស់ខ្លួន ដើម្បីបញ្ចប់សង្រ្គាមនេះ» ។

ប្រទេសចិន បានព្យាយាមកសាងកេរ្តិ៍ឈ្មោះជាអ្នកបង្កើតសន្តិភាពពិភពលោក ក្នុងរយៈពេលប៉ុន្មានឆ្នាំចុងក្រោយនេះ ទោះបីជាយុទ្ធនាការនោះ បានត្រឹមតែបញ្ឈប់ដំណើរការក៏ដោយ។ ផែនការមេរបស់ខ្លួនសម្រាប់បទឈប់បាញ់នៅអ៊ុយក្រែន មិនបានរកឃើញការពេញចិត្តច្រើន នៅក្នុងទីក្រុងគីវ ទីក្រុងវ៉ាស៊ីនតោន ឬរដ្ឋធានីលោកខាងលិចផ្សេងទៀតទេ ចាប់តាំងពីវាត្រូវបានប្រកាសកាលពីដើមឆ្នាំមុន។

អាជ្ញាធរចិន បានរំលងកិច្ចប្រជុំទីប្រឹក្សាសន្តិសុខជាតិ នៅប្រទេសម៉ាល់ត៍ ក្នុងឆ្នាំ២០២៣ នៅពេលដែល មន្ត្រីមកពីប្រទេសចំនួន៥៥ បានពិភាក្សាអំពីការជំរុញរបស់អ៊ុយក្រែន ក្នុងការបង្កើតការគាំទ្រសម្រាប់អ្វីដែលគេហៅថា រូបមន្តសន្តិភាពរបស់ខ្លួន។ ខ្លួនបានបញ្ជូនគណៈប្រតិភូទៅកិច្ចប្រជុំនៅប្រទេសអារ៉ាប៊ីសាអ៊ូឌីត ក្នុងខែសីហា ដើម្បីពិភាក្សាអំពីការប្រយុទ្ធគ្នា។