លោក Muhammad Akram នៅចាំបានការបោះឆ្នោតរបស់លោក នៅការបោះឆ្នោតថ្នាក់ជាតិលើកដំបូងរបស់ប៉ាគីស្ថានកាលពីឆ្នាំ ១៩៧០ ។ 

ចាប់តាំងពីពេលនោះមក សោធននិវត្តន៍វ័យ ៧០ឆ្នាំម្នាក់នេះ បានបោះឆ្នោតសកលទាំង ១០លើករបស់ប៉ាគីស្ថាន ហើយលោកបានត្រៀមខ្លួនរួចរាល់ក្នុងការបោះឆ្នោតម្តងទៀតនៅថ្ងៃព្រហស្បតិ៍នេះ ។ 

ប៉ុន្តែនៅលើកនេះ លោកនិយាយថា លោកលែងមានសង្ឃឹមលើលទ្ធផលអ្វីទៀតហើយ ។ 

លោក Akram និយាយថា នៅក្នុងទសវត្សរ៍ឆ្នាំ ១៩៧០ ពួកយើងអាចបោះឆ្នោតឲ្យនរណាម្នាក់ដែលពួកយើងចង់បោះឆ្នោតឲ្យ ហើយពួកយើងគ្មានបញ្ហាណាមួយនោះឡើយនៅពេលនោះ ដោយសារតែគ្មានអំពើពុករលួយ ។ 

បញ្ហាហិរញ្ញត្ថុ បានធ្វើឲ្យរូបលោក និងគ្រួសារលោក ធ្លាក់ខ្លួនក្ររកព្រឹកខ្វះល្ងាច អស់រយៈពេលជាច្រើនឆ្នាំមកហើយ ។ 

រស់នៅជាមួយកូនប្រុស ៣នាក់ និងគ្រួសាររបស់ពួកគេនៅក្នុងផ្ទះកម្ពស់ ១ជាន់ ស្ថិតក្នុងទីក្រុងប្រជុំជន Lahore លោក Akram និយាយថា ពួកយើងស្ទើតែពុំអាចទប់ទល់បាននឹងការចំណាយកើនឡើង ។ 

លោកថា ពីមុនអ្វីៗល្អប្រសើរ មនុស្សម្នាក់ធ្លាប់រកប្រាក់ចំណូលអាចចិញ្ចឹមមនុស្សមួយគ្រួសារ ។ មនុស្សអាចទទួលទានបានឆ្ងាញ់ ប៉ុន្តែឥឡូវមនុស្ស ១០នាក់ រកពេញមួយគ្រួសារនៅតែមិនទាន់គ្រប់គ្រាន់ទៀត ។ 

សូមបញ្ជាក់ថា ការបោះឆ្នោតសកលឆ្នាំ ២០២៤ ធ្វើឡើង ស្របពេលដែលប្រទេសនៅអាស៊ីខាងត្បូងមានពលរដ្ឋ ២៤១លាននាក់មួយនេះ ទើបងើបពីអតិផរណាខ្ពស់បំផុតក្នុងរយៈពេលជាច្រើនទសវត្សរ៍កន្លងមកនេះ ហើយសេដ្ឋកិច្ចរបស់ពួកគេ រស់រានបានដោយសារកម្មវិធីប្រាក់សង្រ្គោះរបស់មូលនិធិរូបិយវត្ថុអន្តរជាតិ(IMF) ៕