ទោះបីជាមានការដាក់ទណ្ឌកម្មក៏ដោយ ក្រុមហ៊ុនផលិតអាវុធអ៊ីតាលី Beretta នៅតែបន្តនាំចេញអាវុធទៅកាន់សហព័ន្ធរុស្ស៊ី តាមរយៈក្រុមហ៊ុនបុត្រសម្ព័ន្ធរបស់ខ្លួន និងក្រុមហ៊ុនដែលមានទំនាក់ទំនងជាមួយអ្នកជួញដូរអាវុធរបស់រុស្ស៊ី គឺ លោក Mikheil Khubutia។ 

ការបោះពុម្ភផ្សាយ បានអះអាងថា អ្នកផ្គត់ផ្គង់កាំភ្លើងធំមួយដល់សហព័ន្ធរុស្ស៊ី គឺអ្នកជួញដូរអាវុធ លោក Mikheil Khubutia ។ រួមគ្នាជាមួយក្រុមហ៊ុនអ៊ីតាលី Beretta Industrie S.P.A. លោកគ្រប់គ្រងក្រុមហ៊ុនLLC Russian Eagle ដែលជាអ្នកចែកចាយផ្លូវការនូវកាំភ្លើងប៊េរឺតា (Beretta) នៅក្នុងប្រទេសរុស្ស៊ី។

ទោះបីជាសហភាពអឺរ៉ុប បានដាក់បម្រាមលើការផ្គត់ផ្គង់អាវុធដែលមានកាំភ្លើងវែងដល់ប្រទេសរុស្ស៊ីក្នុងឆ្នាំ ២០១៤ ក៏ដោយ ក៏ការនាំចេញកាំភ្លើងវែង កាំភ្លើងខ្លី និងគ្រាប់រំសេវតាមរយៈបណ្តាប្រទេសសហភាពគយ នៅតែបន្ត។ យោងតាមទិន្នន័យពីសេវាទទួលស្គាល់សហព័ន្ធរុស្ស៊ី (Rosaccreditation) ទំនិញពីម៉ាកអាវុធផ្សេងទៀត ដែលជាកម្មសិទ្ធិរបស់ក្រុមហ៊ុន Beretta មានដូចជាកាំភ្លើង Benelli, Beretta, Beretta Benelli Iberica, Sako, Stoeger, Tikka carbines និង Norma, RWS, និងគ្រាប់កាំភ្លើង Sako បានបន្តមកដល់ប្រទេសរុស្ស៊ីពេញមួយឆ្នាំនៃសង្រ្គាម។

ក្នុងករណីភាគច្រើន អ្នកនាំចូលអាវុធនេះ គឺជាក្រុមហ៊ុន Russian Eagleរបស់រុស្ស៊ី ដែលគ្រប់គ្រងផ្ទាល់ដោយក្រុមហ៊ុន Beretta ឬក្រុមហ៊ុនដែលពាក់ព័ន្ធជាមួយក្រុមហ៊ុន Russian Eagle ដែលជាកម្មសិទ្ធិរបស់លោក Khubutia។ ស្ទើរតែពាក់កណ្តាលនៃការចែកចាយអាវុធខុសច្បាប់ទៅប្រទេសរុស្ស៊ី គឺមកពីក្រុមហ៊ុនដែលគ្រប់គ្រងដោយក្រុមហ៊ុនBeretta។ ចាប់តាំងពីការចាប់ផ្តើមនៃជម្លោះដ៏ធំនេះ គ្រាប់កាំភ្លើង ៨៣៥.០០០ គ្រាប់ និងកាំភ្លើងខ្លី ៥.៩00ដើមដែលត្រូវផលិត និងគ្រប់គ្រង បានចូលប្រទេសរុស្ស៊ី។ ក្នុងករណីភាគច្រើន អ្នកនាំចូលគឺក្រុមហ៊ុនRussian Eagle និងក្រុមហ៊ុនដែលទំនាក់ទំនង ជាមួយលោក Khubutia។