នៅឯកិច្ចប្រជុំរបស់សមាគមកាំភ្លើងជាតិ កាលពីថ្ងៃសុក្រ (ទី៩ ខែកុម្ភៈ) នាទីក្រុង Harrisburg រដ្ឋ Pennsylvania អតីតប្រធានាធិបតីអាមេរិក លោក Donald Trump បានប្រាប់អ្នកគាំទ្រថា រូបលោកគួរតែត្រូវបានគេអនុវត្តដូចប្រធានាធិបតីលោក Joe Biden ដែរ នៅពេលលើកឡើងពីការកាន់កាប់ឯកសារសម្ងាត់ ដោយនិយាយថា៖ «ប្រសិនបើលោក Biden នឹងមិនត្រូវបានចោទប្រកាន់ទេនោះ ដូច្នេះ ខ្ញុំក៏មិនគួរត្រូវបានចោទប្រកាន់ដូចគ្នាដែរ»។

សូមបញ្ជាក់ថា របាយការណ៍ពីទីប្រឹក្សាពិសេសលោក Robert Hur អតីតរដ្ឋមន្ត្រីក្រសួងយុត្តិធម៌សហរដ្ឋអាមេរិកប្រចាំរដ្ឋ Maryland បានជំរុញឲ្យមានជម្លោះពីឆ្នាំបោះឆ្នោត និងសំណួរជាថ្មីអំពីវ័យកាន់តែចាស់របស់លោក Biden ដែលក្នុងសប្តាហ៍នេះ លោកបានច្រឡំឈ្មោះមេដឹកនាំពិភពលោកមួយចំនួន។

លោក Hur បានឲ្យដឹងនៅក្នុងរបាយការណ៍មួយដែលបានចេញផ្សាយកាលពីថ្ងៃព្រហស្បតិ៍ (ទី៨ ខែកុម្ភៈ) ថា លោកបានជ្រើសរើសមិនឲ្យមានការចោទប្រកាន់ព្រហ្មទណ្ឌ បន្ទាប់ពីការស៊ើបអង្កេតរយៈពេល ១៥ខែលើការគ្រប់គ្រងចាត់ចែងឯកសារសម្ងាត់របស់លោក Biden ដោយសារតែលោកប្រធានាធិបតីរូបនេះ បានសហការជាមួយ៕