អាមេរិក៖ អភិបាលក្រុង Miami-Dade លោកស្រី Daniella Levine Cava បាននិយាយកាលពីថ្ងៃសុក្រថា លោកស្រីបានចុះហត្ថលេខាលើបទបញ្ជាបន្ទាន់មួយ ដើម្បីរុះរើផ្នែកដែលនៅសល់នៃអគារខុនដូដែលបាក់រលំ។
លោកស្រីបាននិយាយថា បទបញ្ជាត្រូវបានចុះហត្ថលេខានៅពេលនេះ ដើម្បីឱ្យការរុះរើនេះអាចរើចេញបានយ៉ាងឆាប់រហ័សតាមកាលបរិច្ឆេទត្រូវបានកំណត់។ ក្រុមមន្ត្រីបាននិយាយកាលពីពេលមុនថា វាទំនងជាមានរយៈពេលច្រើនសប្តាហ៍ មុនពេលការរុះរើត្រូវបានកំណត់ពេល។ គ្មាននរណាម្នាក់ត្រូវបានគេជួយសង្គ្រោះ រយៈពេលជាច្រើនម៉ោងដំបូងបន្ទាប់ពីការបាក់រលំខុនដូ Champlain Towers ដែលមានកម្ពស់ ១២ជាន់។
មន្ត្រីបាននិយាយថា តួលេខចំនួនមនុស្សដែលបាត់ខ្លួននៅក្នុងការបាក់រលំអគារខុនដូនៅរដ្ឋ Florida បានធ្លាក់ចុះកាលពីថ្ងៃសុក្រពីចំនួន ១៤៥នាក់មកត្រឹម ១២៨នាក់បន្ទាប់ពីឈ្មោះស្ទួនគ្នាត្រូវបានលុបចោល។ អាជ្ញាធរបានប្រកាសពីការរកឃើញសាកសព ៤នាក់បន្ថែមទៀតក្នុងនោះមានកូនស្រីអាយុ ៧ឆ្នាំរបស់អ្នកពន្លត់អគ្គីភ័យនៅទីក្រុង Miami ដោយបង្កើនចំនួនអ្នកស្លាប់ដែលបានបញ្ជាក់ត្រូវបានរកឃើញដល់ចំនួន ២២នាក់។
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
